Loma 16 - Tokelauan New Testament

Fakafeiloakiga ki Tagata i Loma

¹ E fia kavatu e au ni kupu lelei e uiga ki to tātou tuafafine ki a Fipe, tē e galue i te Ekalehia i Kegeleaiha.

² Talia ko e koutou i te igoa o te Aliki, e vē ona tatau ke fai e tagata o te Atua, ma fehoahoani ki ei i ho he mea e fofou ki ei; auā e tokalahi na kavea ia ma o lātou fehoahoani, e vēnā foki ona fehoahoani mai ia ki a te au.

³ E fakafeiloaki atu au ki a Pihila ma Akula, oku hoa kaukauna i te gāluega a Keliho Iehu;

⁴ ko ki lāua iēnei, na lamatia lele o lā ola ona ko au. Ko au la e fakafetai lahi lele ki ei — e hē nā ko au oioti, kae vēnā foki nā Ekalehia uma a tagata nukukehe.

⁵ E fakafeiloaki atu ki nā tino i nā Ekalehia e fai a lātou māfutaga lotu i o lātou fale. E fakafeiloaki atu foki ki taku uō pele ko Epaineto, ko ia te tino i te kogāfenua o Ahia, na muamua liliu ki a Keliho.

⁶ E fakafeiloaki atu au ki a Malia, tē e galue mālohi mo koutou.

⁷ E fakafeiloaki atu foki ki a Anitolika ma Iuni, oku uho Iutaia nae i te falepuipui fakatahi ki mātou; e iloa lelei lele ki lāua e te kau apohitolo, ma na muamua oi kavea ki lāua ma Kelihiano i lo au.

⁸ E fakafeiloaki atu ki a Amepiliato, he uō pele i te gāluega a te Aliki.

⁹ E fakafeiloaki atu foki ki a Oupana, te uho a kaukauna i te gāluega a Keliho, ma Hitahu taku uō pele.

¹⁰ E fakafeiloaki atu ki a Apelene, ko tona fakamāoni ki a Keliho kua fakamāonia. E fakafeiloaki atu ki a te koutou i te kau kāiga o Alihitopula.

¹¹ E fakafeiloaki atu au ki a Helotiona, he uho a Iutaia, ma ki lātou kua kavea ma Kelihiano i te kau kāiga o Nakiho.

¹² E fakafeiloaki atu kinā mātua ki a Tufaina ma Tufohana, e gālulue i te gāluega a te Aliki, vēnā te mātua ma te uō pele ko Peloita, kua lahi ana gāluega e fai mo te Aliki.

¹³ E fakafeiloaki atu au ki a Lufo, te kaukauna uiga kehe tana galue mo te Aliki, ma ki tona mātua kua ia kavea au e vē lava he ataliki moni ki a te ia.

¹⁴ E fakafeiloaki atu au ki a Ahukilita, Felegota, Hemene, Patolopa, Hema, ma iētahi tino Kelihiano uma e fakatahi ma ki lātou.

¹⁵ E fakafeiloaki atu ki a Filologo ma Iulia, ki a Nelia ma tona tuafafine, ki a Olumupa ma nā tino uma o te Atua e fakatahi ma ki lātou.

¹⁶ Ke fakafeiloaki e tētahi tētahi i te kihi o te fīlēmū. E fakafeiloaki atu foki ki a te koutou nā Ekalehia uma a Keliho.

Ko nā toe Fakatonuga

¹⁷ Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

¹⁸ Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

¹⁹ Auā e ui kua iloa e tagata uma te koutou fakamāoni, ma ko te mea ia e fiafia ai au, ko au e fofou ke iloa e koutou nā mea e lelei, ma tau mamao lele ma nā mea e kino.

²⁰ Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

²¹ E momoli atu ia alofaaga o Timoteo, toku hoa e gālulue fakatahi ki māua, mo koutou; e vēnā foki ia Loukio, Iahona, ma Huhipaito, oku uho a Iutaia.

²² Ko au, ko Tetiahi, tē na tuhiagia te tuhi tēnei, e fakafeiloaki atu ki a te koutou i te igoa o te Aliki.

^23-24 E momoli atu ia alofaaga o Kaio, e o ia te fale e nofo ai au ma fai ai nā lotu; e vēnā foki ia alofaaga o Elahito, te teutupe o te kakai, ma te tātou uho ki a Kuata.

Ko te Tatalo Fakaiku a Paulo

²⁵ Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka.

²⁶ Kae nei, kua fakailoa te meamoni ki te lalolagi kātoa e ala i nā tuhituhiga a te kau pelofeta; ma e tuha ai ma te fakatonuga a te Atua e fakavavau, ke mafai ai ia tagata nukukehe uma ke talitonu ma uhitaki ki te Atua.

²⁷ Ke vīkia te Atua e tokatahi, ko ia oioti te poto, e ala ia Iehu Keliho, ke pa lava ki te fakavavau! Amene.