Gāluega 21 - Tokelauan New Testament

Kua Fano ia Paulo ki Ieluhalema

¹ Kua fakamāvae ki mātou ki a te ki lātou, oi folau ai loa ki mātou. Na tele hako atu to mātou vaka oi pa atu ai ki Kohi; i te aho na hohoko ai na taunuku ai ki mātou ki Lotono, oi folau atu ai ki mātou mai kinā ki Patala.

² Ko kinā na ki mātou maua ai he vaka e tuku e malaga ki Foinike, oi hohopo ai ki mātou ki luga ma folau ai.

³ Kua pa atu ki mātou ki he kogāmoana e kitea atu ai ia Kupulona, oi fakatū ai to mātou vaka ki haute mai kinā agai atu ki Hulia. Na olo ki mātou ki gāuta i Tulo, ma ko kinā na tuku e laku ake ai ki gāuta te uta a te vaka.

⁴ Na fetaui ki mātou i kinā ma ni tino Kelihiano, oi nonofo ai ki mātou ma ki lātou, i he vaiaho. E ala i te mana o te Agaga, na lea ai ki lātou ki a Paulo ke nahe fano ki Ieluhalema.

⁵ Kae ina kua pa ki te aho na tuku e toe folau ai ki mātou, oi olo kehe ai ki mātou. Ko te kau Kelihiano uma lele, ma a lātou āvaga ma a lātou fānau, na olo fakatahi ki mātou ki fafo o te kakai ki te matāfaga, ma i kinā na tōtutuli ai ki mātou uma ki lalo ma tatalo.

⁶ Oi fakamāvae ai loa ki mātou ma hohopo ai ki mātou ki luga o te vaka, ka kua toe foki ki lātou ki o lātou kāiga.

⁷ Na fakaauau te mātou malaga, ma folau atu mai Tulo ki Pitolemaia. Ko kinā na feiloaki ai ki mātou ma te kau Kelihiano, ma nonofo ai ki mātou ma ki lātou i he aho e fokotahi.

⁸ I te aho alafaki na olo kehe ai ki mātou, ma taunuku atu ki Kaihaleia. Na nonofo ki mātou i kinā i te fale o Filipo te tino tālaki o te Tala Lelei, ko hētahi ia o te toka fitu taulelea na filifilia ke fai ma fehoahoani i Ieluhalema.

⁹ E toka fa ona afafine ko hēki fakaipoipo, nae folafola e ki lātou te fekau a te Atua.

¹⁰ Kua lua o mātou aho i kinā kae pa ifo he pelofeta mai Iutea e igoa ki a Akapo.

¹¹ Kua hau ki a te ki mātou ma tago ki te lītua o Paulo, ma noanoa ai lava e ia ona vae ma ona lima, oi lea vē ai, “Ko tēnei te vāgana a te Agaga Paia: Ko te tino e o ia te lītua tēnei, ka noanoa vēnei lava e tagata Iutaia i Ieluhalema, oi tukulima atu ai e ki lātou ki tagata nukukehe.”

¹² Kua fakalogo atu ki mātou ki te mea tēnei, oi tauanau ai e ki mātou ia Paulo ke nahe fano ki Ieluhalema.

¹³ Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”

¹⁴ E hēki mafai e ki mātou oi hui te māfaufau o Paulo, oi e hēki toe taumafai ki mātou ma na vē atu ai ta mātou kupu, “Ke fai te finagalo o te Aliki.”

¹⁵ Na nonofo ki mātou i kinā mo hina taimi, oi hāuni ai loa a mātou mea ma olo ki Ieluhalema.

¹⁶ Ko iētahi tino o te kau hoko mai Kaihaleia na olo fakatahi ki mātou, ma na ki lātou kavea ki mātou ki te fale o te tino na tuku e olo ki mātou oi nonofo ai — ko Manahoni, e hau i Kupulona, na kavea ma Kelihiano i nā pōpō fou o te gāluega.

Kua Āhiāhi ia Paulo ki a Iakopo

¹⁷ I te taunuku atuga o ki mātou ki Ieluhalema, na tali fiafia mai ki mātou e te kau Kelihiano.

¹⁸ I te aho alafaki na olo ai ki mātou ma Paulo oi āhi ia Iakopo; ma nae i ei fakatahi uma ai ma nā toeaina o te Ekalehia.

¹⁹ Na fakafeiloaki atu ki lātou e Paulo, ma kavatu ki a te ki lātou he līpoti kātoatoa o nā mea uma na fai e te Atua ki tagata nukukehe, e ala i tana gāluega.

²⁰ Ina kua uma to lātou fakalogologo ki te līpoti, oi viviki uma lele ai ki lātou ki te Atua. Oi lea vē atu ai ki lātou, “Te uho, e kē kitea e faitau afe ia tagata Iutaia kua liliu ma kavea ma Kelihiano, ma te mālohi foki o to lātou talitonu ki te Tūlāfono a Mohe.

²¹ Kua uma te ki lātou iloa tau gāluega e fai i te akoakoga o tagata Iutaia uma e aumau i nā nukukehe, ke nahe toe mulimuli ki te Tūlāfono a Mohe, ma ke nahe toe pelitomea a lātou fānau, pe tauhihi ki nā tū faka-Iutaia.

²² E hē mafai ke hē ki lātou iloa ko koe kua pa mai. He ā nei te ka fai?

²³ Ko tēnei la te mea e fofou ki mātou ke kē faia. E toka fa ia taulelea i kinei kua uma te fai o a lātou tautōga.

²⁴ Fano i te lātou kau ma kau fakatahi ma ki lātou i te hāuniga mo te fakamamāgia, ma totogi e koe mo ki lātou te tupe e tatau ke ki lātou totōgia mo te hāuniga, kae ke mafai ai ke tafi tula o lātou ulu. I te faiga tēnei, ka iloa ai e tagata uma, e hēai he mea e fokotahi e hako i nā fakamatalaga uma kua ki lātou maua e uiga ki a te koe, kae ko koe e ola tauhihi lava ki te Tūlāfono a Mohe.

²⁵ Kae e vē la ki nā tino nukukehe kua kavea ma Kelihiano, kua uma te kave ki ei te mātou tuhi ke taku ki ei kua tonu ia te ki mātou, ko ki lātou e hē kakai ki ho he meakai na ofo ma tāulaga ki nā tupua ta, pe ni toto, pe ho he manuvaefa na titina, ma ke kalo kehe i nā tuinanauga mātagā o te tino.”

²⁶ Kua kave e Paulo nā taulelea, ma i te aho na hohoko ai, na fai ai e ia te hāuniga mo te fakamamāgia o ia fakatahi ma ki lātou. Oi fano ai ki loto o te Mālumalu, ke fakailoa e ia pe ko toe fia ia aho oi pa ki te fakaikuga o te hāuniga mo te fakamamāgia, te taimi e ofo ai nā tāulaga mo ki lātou tau tokatahi.

Kua Puke ia Paulo i loto o te Mālumalu

²⁷ Kae i te taimi kua tau fakauma ai nā aho e fitu, kae kitea ia Paulo i te Mālumalu e ni tino Iutaia e ōmamai i te itūmālō o Ahia. Na fakaohooho e ki lātou te kaifenua kātoa, ma na puke ai ia Paulo e ki lātou.

²⁸ Kua taufōlua vē ki lātou, “Taulelea e o Ihalaelu! Ko tēnei te tino e fano ki ho he koga ma akoako ki tagata ke teteke ki nā tino Ihalaelu, teteke ki te Tūlāfono a Mohe, ma teteke ki te Mālumalu tēnei. Ma i te taimi nei, kua ia kaumaia foki ni tino nukukehe ki loto o te Mālumalu, ma faia ma mea e hē mamā ai te nofoaga paia tēnei!”

²⁹ (Na lea vēnei ki lātou, ona na ki lātou kitea ia Tolofimo mai Efeho e feoaki ma Paulo i te kakai, ma vēake ai na kave e Paulo te tagata tēnei ki loto o te Mālumalu.)

³⁰ Kua kāmata oi vevehi ia tagata uma o te kakai, ma fetutuli fakatahi oi puke ia Paulo ma toho ki fafo o te Mālumalu, ma na tapunia ai loa nā faitotoka o te Mālumalu i te taimi tēnā.

³¹ Ka koi taumafai ia tagata ke tāmate ia Paulo, kae pa atu te līpoti ki te takitakikau o nā fitafita Loma, ko Ieluhalema kātoa kua vevehitū.

³² Na kave loa lava e te takitakikau ni fitafita ma ni ofiha i te taimi tēnā, ma fetutuli ki te mea e i ei kaifenua. I te kitea maiga e te kaifenua te takitakikau ma nā fitafita, oi na tāofi ai loa te kiniga o Paulo.

³³ Oi hau ai te takitakikau ki a Paulo, ma fakatonu ke puke ma noanoa i ni filifili e lua. Oi fehili vē atu ai, “Ko ai te tagata nei, ka ko he ā foki ta ia kua fai?”

³⁴ Kua taukalalaga mai iētahi o te kaifenua ma he mōliga, kae taukalalaga mai foki iētahi ma he mōliga e kehe foki. Na nunumi lele te māfaufau o te takitakikau ma hēki ia iloa tonu ai pe ko he ā te na tutupu, ma na fakatonu ai loa e ia ke kave ia Paulo ki loto o te olo.

³⁵ Na pa atu lava ki lātou ki nā fakahitepu, oi hiki loa e nā fitafita ia Paulo ona ko te vevehi lahi o te kaifenua.

³⁶ Kua taumulimuli te kaifenua uma ki a Paulo ma taukalalaga vēia, “Tātou olo oi tāmate te tagata tēnei!”

Kua Taumafai ia Paulo ke Tali atu ki nā Mōliga

³⁷ Koi tau fakaulu atu ia Paulo ki loto o te olo, kae lea vē atu ki te takitakikau, “E mafai ke fai haku kupu?” Kua fehili mai te takitakikau ki ei, “E iloa e koe te gagana Eleni?

³⁸ E hē ko koe la te tino Aikupito tē na ia kamatagia he fou i he taimi e hēki mamao atu, ma na takitakia nā tino Fahioti Tagata e toka fa afe ma a lātou kaukupega, ki te toafa?”

³⁹ Kua tali atu ia Paulo, “Ko au he Iutaia, na fānau i Taheha i Kilikia, ma ko he tagatānuku o he kakai tāua lahi. Fakamolemole tuku mai he avanoa ke fai ai haku kupu ki nā tino.”

⁴⁰ Na fakataga e te takitakikau ia Paulo, oi tū atu ai i luga o nā fakahitepu ma fakatū tona lima ki nā tino ke nahe piha. Ina kua hēai he tino o ki lātou e vaivaia, oi tautala ai ki ei ia Paulo i te gagana Epelu.