2 Kolinito 9 - Tokelauan New Testament

Fehoahoani Tupe mo Tagata Kelihiano

¹ E hē tatau au ke tuhi atu e uiga ki te koutou fōaki kua kave mo tagata o te Atua i Iutea.

² E iloa e au ko koutou e fiafia lele oi fehoahoani, ma ko he mea tēnei nae faitala fāfia ai au ki nā tino i Maketonia. Na lea au ki ei, ko koutou iēnā i Akaia kua kātoa te tauhaga talu te hāuniuni ke fehoahoani ake ki a te ki lātou; ma ko te koutou naunau kua lagona ai foki e te tokalahi o ki lātou, te fia fehoahoani.

³ Kua kō uga atua la nā hoa a kaukauna iēnei, kae ke nahe kavea ai o mātou fāfifia nae fai e uiga ki a te koutou, e vē ni tala tauanoa e hēai he uiga. Kae e vē lava ona lea ai au, ko koutou kua uma te hāuni ke fehoahoani.

⁴ Kae kāfai ni tino mai Maketonia e oatu ma au, ma papā atu ki mātou ko koutou ko hēki hāuni, te fakamā lele o te mea e pa ki mātou ki ei — kae vēhea ai la te takuvalea lele o koutou — i te mautinoa e koutou e koutou mafaia.

⁵ Ko te mea ia na manatu ai au, e tatau ke fakamālohi ki nā hoa a kaukauna iēnei ke muamua atu ki lātou ia te au, ke ao fakato e ki lātou te meaalofa tupe e vē ona folafola e koutou. E pa atu la au kua uma te ao, ma ka kitea ai i kinā, ko te koutou fōaki, na fai ma te loto malie kae hē ona ko koutou na fakamālohia ke fai.

⁶ Ke manatua e koutou, ko te tino e taigole ana fatu e totō, ka vēnā foki oi taigole na fua e ia helehelea; ka ko te tino e lahi ana fatu e totō, ka vēnā foki oi lahi na fua e ia helehelea.

⁷ E tatau la koutou tau tokatahi ke fōki e tuha ma te mea kua loto koe ki ei, kae nahe fakalotolotolua, pe manatu foki ko he tiute e o koe ke fōki; auā ko te Atua e alofa ki te tino e fiafia oi fōki.

⁸ Ma e mafai e te Atua oi fōki atu nā fakamanuiaga e lahi atu lele mo koutou, kae ke maua ai e koutou nā mea uma e manakomia e koutou, ma lava ma totoe mo iētahi gāluega lelei.

⁹ E vēia oi lea mai te tuhituhiga paia, “E fōki fua e te Atua ki tagata mātitiva; ko tona alofa fōaki e tūmau ke pa ki te fakavavau.”

¹⁰ Ma ko te Atua, tē e ia kavatua nā fatu ki te faifatoaga ma nā meakai ke kai, ka ia kavatuagia foki ki a te koutou nā fatu uma e manakomia e koutou, ma ia fakaolaolagia ke maua ai ni fua e lahi lele mai te koutou lima fōaki.

¹¹ Ka fakatamaokāigagia koutou e te Atua i ho he mea, ma mafai ke tūmau ai pea te koutou lima fōaki, kae ke tokalahi ai nā tino e fakafetai ki te Atua, kāfai e tukulima atu ki ei e ki mātou, tautou meaalofa.

¹² Auā ko te koutou fehoahoani tēnei, e hē gata e fehoahoani ai ki tagata o te Atua, kae ka mafai ai foki ke lagona e te tokalahi o tagata, te agaga fakafetai ki te Atua.

¹³ Ona kua fakamāoniagia tautou gālulue tautua, toutou lima fōaki ma te koutou fakamāoni i te folafolaga o te Tala Lelei ki a Keliho, ka vīkia ai te Atua e te tokalahi o tagata.

¹⁴ Ma e alolofa atu lele ki lātou ma tatalo mo koutou, ona ko te hilihilikehe o te alofa tūnoa o te Atua kua fakaalia e ala ia te koutou.

¹⁵ Tātou fakafetai ki te Atua ona ko tana meaalofa tāua lahi.