Matié 1 - Kebu go dore go herua 1978

To moin go Jésu Krist koi

¹ Kua na cidab do to moin go Jésu Krist koi, go to moin go Dabid koi, go to moin go Abraham koi.

² Abraham na Isak bai, Isak na Jakob bai, Jakob na Juda kang karmei baigé.

³ Juda na Paré kang Sara baigé (Tamar na Paré kang Sara ’yoigé), Paré na Esrom bai, Esrom na Aram bai.

⁴ Aram na Aminadab bai, Aminadab na Nason bai, Nason na Salmon bai.

⁵ Salmon na Boas bai (Rahab na Boas ’yoi), Boas na Obéd bai (Rut na Obéd ’yoi), Obéd na Jésé bai.

⁶ Jésé na Dabid go kelma bai. Dabid na Salomon bai (Salomon ’yoi na, tumu toa Uri tamdi).

⁷ Salomon na Robom bai, Robom na Abia bai, Abia na Asab bai.

⁸ Asab na Josopat bai, Josopat na Joram bai, Joram na Osia bai.

⁹ Osia na Jotam bai, Jotam na Asa bai, Asa na Esésia bai.

¹⁰ Esésia na Manasa bai, Manasa na Amon bai, Amon na Josia bai.

¹¹ Josia na Jésonia kang karmei baigé a duro saman do ké ba nyim ga Israél ’yégé gianduai a Babilon.

¹² Kiddin ga ké ba nyim ga Israél ’yégé gianduai a Babilon na, Jésonia wo Satatél, Salatél na Sorobabél bai.

¹³ Sorobabél na Abiu bai, Abiu na Elikim bai, Elikim na Asor bai.

¹⁴ Asor na Sadog bai, Sadog na Asim bai, Asim na Aliu bai.

¹⁵ Aliu na Elisar bai, Elisar na Matan bai, Matan na Jakob bai.

¹⁶ Jakob na Josép bai, Josép na Maram kudera do Jésu go ké ba tei Krist ’yoi.

¹⁷ To moin go Abraham koi bera ’erga to moin go Dabid koi na, na to moin moac ca poddin. A to moin go Dabid koi bera nyimé go ga Israél kogé go oré gianduai a Babilon na, na to moin moac ca poddin. A to moin go nyimé go ga Israél kogé go oré gianduai a Babilon bera wo go Krist koi na, na to moin moac ca poddin.

Wo go Jésu koi

¹⁸ Sela, wo go Jésu Krist koi na main kain, kiddin ga Josép wa lo ’yoi Maram jan, main ké daié ’eno dé na, ké waio tondia dang kur a gusu dono do Habé ga Kumu kai togé.

¹⁹ Josép go bajando, ddia go geddang, ddi dar ca ddia toré toa dang tumu kalang ’eno, ddi ’erem ca ddia ddoa wasuai jang.

²⁰ Kiddin ga ddi wa ’erem dé na, kangito go Bagulong koi gel gusi cindi duro soné, ddi yei wa: Josép, Dabid moindi, ’ya tamdin Maram, ddo ji lo muro ’eno, cawa kié go wo kedera lé na, na a gusu dono do Habé ga Kumu kai togé.

²¹ Toa wo kurong, ji tegaia Jésu, cawa ddia minyé kalang gai a duro isinwa dogé.

²² Henga lé kua mam na, la ca ddainya ser to kual go Bagulong ba yé a kebu ga cogelé kebu go Kumu koi,

²³ Sela, turmo do tembali da ’yé kur, Toa wo kurong, Ka teia Emmanuél. (Gusondi lé to do poré, Kumu wo kenang nana.)

²⁴ Kiddin ga Josép lebu to kung na, ddi ’yé tamdi Maram main kangito go Bagulong koi ba yeiang kain.

²⁵ Ama ddi wiang na ’eno dé bera to wo kuranda go Josép tei Jésu lé ba’.