MAZMUR 85 - Tanou Moonsoi Timugon

Pakiasian koson kaansayan ru bansa'

¹ Ra tingganai ru santimungan maririmbai. Mazmur ru bansa' ri Kora.

² Iou Tuhan, makaasi' Kou ra pagun Muno; sinauk Mu Israil linumangkaya' saguli'.

³ Inampun Mu tula ru ulun Muno; am ngaangai' sala nilono inampun Mu.

⁴ Kalo boo sumangit Kou risilo, am inorot Mu sangit Muno ra bibilak no.

⁵ Patapulio' akai no, iou Aki Kapuuno' mamamayag ramon, pai' boo sangit ramon.

⁶ Sabuoi-buoi kia Okou sumangit ramon? Kalo kia mapandai malulu' sangit Muno?

⁷ Kaikango' akai saguli', am akai ulun Muti mongompor boo Rirun.

⁸ Paintalango' noyo katagaman Muno ramon, indangano' noyo am bayago' akai no, iou Tuhan.

⁹ Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

¹⁰ Ulun ra mangurumat Riso no maaru' bayagon No, maa' raginio i Aki Kapuuno' ondo' matulai kaga' mayan ra pagun takau.

¹¹ Togom am gagaya' maguma'; katimpakan am kaansayan maganding.

¹² Gagaya' ru ulun magaloi intor ra tana' ti, am katimpakan ri Aki Kapuuno' manginduku' intor ra suruga'.

¹³ Saukon takau ru Tuhan ra lumangkaya', am tana' takau mapaingkual ra ampos masuang.

¹⁴ Katimpakan sumigulu ra Tuhan, am manampos ra ralan Nano.