MAZMUR 82 - Tanou Moonsoi Timugon

I Aki Kapuuno' Raja' ra matulai

¹ Mazmur ri Asap. I Aki Kapuuno' maningganai ra pansusunuran maatang ra suruga'; saang ru ngaangai' ondo' maayag ra suruga' manaak Io ra pamatasan Nano,

² “Pai' pangakim ra ulun ra kalo matimpok, am pai' saung ra ulun malaat.

³ Sungkaa' noyo anak napatayan ra matuo am ulun malawo; pakaasi' no ra ulun musikin am ondo' kolondo' lulu'.

⁴ Bayago' ilo no intor ra kuasa' ru ulun malaat.

⁵ Kolondo' napandayan min, mapara' piboo sasambungon mino! Sabap ra kolondo' guang min, katimpakan napuso noyo ra tana' ti.

⁶ Mindagu Aku ra akau noyo ulun mapasau guang, ra akau ngaangai' anak ru Io Ondo' Masawat Kaga'.

⁷ Kaa' matoi kau niayuk koson ra ulun; painawo mino pupusin koson ra painawo ru sangulun mangunguasa'.”

⁸ Ratong no, iou Aki Kapuuno', am akimi' noyo tana' ti; ngaangai' bansa' Okou tatangan.