MAZMUR 70 - Tanou Moonsoi Timugon

Pakiasian ra makiindangan

¹ Ra tingganai ru santimungan maririmbai. Mazmur ri Daut, bulintok napataak ra taak simbalui ra pangkaraan.

² Iou Aki Kapuuno', bayago' aku no! Tuhan, ribaki' noyo mangindangan raki'!

³ Polosoon noyo ulun kuminam pampatoi raki' kalaan am masasou ilo. Polosoon ilo ondo' maansukan ra kapaganan kuno lumugut am tauyuon.

⁴ Polosoon noyo ilo ondo' magasab raki' maliangan am mauyu' ra ilo maala.

⁵ Gama' ru ngaangai' ulun matong Rirun no maansukan am marikamo. Gama' ru ngaangai' ulun maringkuanang sabap ra pamayagan Muno masalok mindagu ra, “Mapara' boo kinatulai ri Aki Kapuuno'!”

⁶ Musikin aku am malawo; ratong no mataki' raki', iou Aki Kapuuno', Okou noyo mangngindangan raki' am mamamayag raki', pai' noyo kalibut, iou Tuhan!