MAZMUR 54 - Tanou Moonsoi Timugon

Pakiasian ra makiindangan

¹ Ra tingganai ru santimungan maririmbai. Ondo' sumbayaan ru jitor. Sisindiron ri Daut,

² paat ra ulun ru Jiip minuma' ra Raja' Saul am nambala' riso ra nansibuni i Daut giu' ra libung intokon nilono.

³ Bayago' aku no ra kuasa' Muno, iou Aki Kapuuno'; ra kaikangan Muno palabuso' aku no.

⁴ Rongogo' noyo pakiasian kutu, iou Aki Kapuuno'; iowo' noyo ragu-ragu kutu.

⁵ Ulun malilimbau matong mamulunsar raki', ulun mapuka' masaga' mamatoi raki', kalo malaa' ilo ri Aki Kapuuno'.

⁶ Kaa' i Aki Kapuuno' noyo mangingindangan raki', Tuhan noyo manungka' raki'.

⁷ Polosoon i Aki Kapuuno' mangukum ra pantula' kuno ra kalaatan nilo, am mamuso risilo sabap ra mampagagaya' Io raki'.

⁸ Iou Tuhan, masaga' aku mampataak Rirun ra taak simbalui; sabap ra kinoonsoi Muno maringkuanang aku Rirun.

⁹ Pinalabus Mu aku intor ra nansalinut kapaganan, am nakakito aku ra pantula' kuno kinala.