MAZMUR 2 - Tanou Moonsoi Timugon

Raja' pinili' ri Aki Kapuuno'

¹ Kua boo ra bansa'-bansa' kumuliangak-angak ayuk am mamagun mangatang ra ondo' kolondo' onong?

² Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

³ Indagu ilo, “Labus takau intor ra kuasa' nilono, gaawo' takau pamarintaan nilono.”

⁴ Intor ra nanturungan Nano giu' ra suruga' Tuhan no nakakurit am nagasab ra inatang nilono.

⁵ Ginalakan No ilo ra sangit, am inilaa' No ilo ra sangit Nano.

⁶ Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

⁷ Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

⁸ Kitaako' noyo, am ngaangai' bansa' pana pataakon Ku rirun, am titikop ru tana' ti saukon Ku ra longgom muno.

⁹ Kuliagayon mu ilo ra pamarintaan ru kalindu' basi'; kuliagayon mu ilo koson ra pagangan ru tana'.’ ”

¹⁰ Totomolo' min baalon mino, raja' kau; iningo' noyo sawai ragitio, akau ngai' mamarinta ru tana' ti!

¹¹ Pangandoi kano ra Tuhan ra guang matikop ra kaintapatan;

¹² igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!