MAZMUR 15 - Tanou Moonsoi Timugon

Ulun ondo' maaya' ra Tuhan

¹ Mazmur ri Daut. Iou Tuhan, osoi kia ondo' makaayan sangkinolor ra Kim Muno? Osoi kia makaayan ra Sion, bulur Muno ondo' matulai no?

² Ulun ondo' naayag ra kolondo' ruruko am moonsoi binaal nano, mabanis guang am mindagu ra motopot,

³ ondo' kalo manimbaal ra ragu ra ulun bokon; kalo naninduol ra guang ru rangan, am kalo mampaluta' ra pinasambalayan;

⁴ ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

⁵ ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.