MAZMUR 149 - Tanou Moonsoi Timugon

Rimbai Pangamparan

¹ Omporo' noyo Tuhan! Rimbayi' Tuhan no ra rimbai nakabagu; omporo' Iono ralalom pantitimungan ru ulun Nano ondo' gumagaya'!

² Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

³ Omporo' noyo inggalan Nano ralalom ru ligo'; omporo' noyo inggalan Nano ondo' kayusin ra jitor am asasin ra tamburing.

⁴ Maansukan Tuhan no ra ulun Nano; pamanangon No ulun ra minggana' guang.

⁵ Musiti' no maansukan ulun ri Aki Kapuuno' sabap ra namanang ilo, am masuaban ilo maririmbai ra maansukan.

⁶ Musiti' no magigindii ilo mongompor ri Aki Kapuuno', liliwa' mampaguut ilo ra ilang malarom

⁷ koson mampaala ilo ra ngaangai' bansa', am mangukum ra ulun nilono;

⁸ koson mamangkil ra ngaangai' raja' am mamparantai ra tingganai nilono,

⁹ koson mangukum ra ngaangai' bansa' sumugut ra susuban ri Aki Kapuuno'. Ginio noyo kamanangan ru ulun ri Aki Kapuuno'. Omporo' noyo Tuhan!