MAZMUR 14 - Tanou Moonsoi Timugon

Kalaatan ru ulun

¹ Ra tingganai santimungan maririmbai. Mazmur ri Daut. Ulun budu mindagu ralalom ru guang, “Kolondo' i Aki Kapuuno'.” Ngaangai' ilo malaat am masaga' ilo mambaal ra malaat; Kolondo' sangulun pana mambaal ra moonsoi.

² Intor ra suruga' Tuhan maginduku' ra ulun koson maguyum ra ulun mapintar, ulun ondo' sumamba Riso.

³ Kaa' ngaangai' ulun liminasang am nakalayau, kolondo' sangulun pana mambaal ra moonsoi.

⁴ Pangkuot Tuhan, “Kalo kia nakapandai ngaangai' ulun malaat ti? Kaayagan nilo mantakou ra kuliamos ru ngaangai' ulun Kuno, am kalo igondo' pakiasi' Raki'.”

⁵ Ulun malaat malaa', sabap ra i Aki Kapuuno' mangindangan ra ulun ondo' gumagaya' Riso.

⁶ Ulun malaat mongompong ra guangon ru ulun balabag, kaa' ulun balabag sindungin ru Tuhan.

⁷ Gama' ru pamayagan ra Israil matong intor ra Sion! Amon saukon ru Tuhan ulun Nano ra langkaya' saguli', ngaangai' ru ulun ru Israil maantak guang.