MAZMUR 125 - Tanou Moonsoi Timugon

Tuhan manindung ra ulun Nano

¹ Rimbai ru ratangan. Ulun ondo' mangintopot ra Tuhan iono koson ra Bulur Sion, ondo' maikang, kalo mauyog ra sabuoi-buoi no.

² Koson ra ngaangai' gunung manindung ra Jirusalim, koon niayuk ra Tuhan manindung ra ulun Nano, raino saboi ra sabuoi-buoi no.

³ Ulun malaat kalo rayusin no mamarinta ra pagun ru ulun ri Aki Kapuuno', maa' raginio ulun ondo' gumagaya' ri Aki Kapuuno' kalo maya' mambaal ra malaat.

⁴ Iou Tuhan, koonsoi no ra ulun moonsoi, ra ulun ondo' sumugut ra panusuban Muno.

⁵ Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!