MAZMUR 12 - Tanou Moonsoi Timugon

Pakiasian ra makiindangan

¹ Ra tingganai ru santimungan maririmbai. Sumugut ra layuk kabalu'. Mazmur ri Daut.

² Indangano' akai no, iou Tuhan, sabap ra kolondo' boo ulun ra moonsoi; ulun ondo' moonsoi guang kalo boo mauma'.

³ Ngaangai' ulun magabau ra rondo' am bokon, am mamparuung am mantaligamis ra rondo' am bokon.

⁴ Langgai' noyo taligamis raginio, iou Tuhan, am pororoo' noyo kabang ra maayo ragu,

⁵ “Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

⁶ Indagu Tuhan, “Ulun musikin impayin, am ulun inimbolo' mampalaa. Raino niayuk Aku matong mapalinos maya' ra kasagaan nilono.”

⁷ Bantu' ru Tuhan naindon am maintopot; koson ra pirok ondo' pagindulion suruin pangkinaman ra pirok kopoyo.

^8-9 Ulun malaat maalap kajampa' ra ati ayuk pana intok, am moonong ulun mamanggo ra kalaatan. Bayago' akai no, iou Tuhan, sindungi' akai no intor ra ulun koson raginio.