MAZMUR 112 - Tanou Moonsoi Timugon

Kaansukan ru ulun moonsoi

¹ Omporo' noyo Tuhan! Pakaansuk noyo ulun ondo' mangurumat ra Tuhan, ondo' masaga' gumagaya' ra panusuban Nano.

² Ngaangai' anak nano manguasa' ra pagun ti; papag ru ulun moonsoi maaru' barakaton.

³ Suang ru baloi nano lumangkaya', am kalo mailusan io ra sabuoi-buoi no.

⁴ Sinda mapaang ralalom kalandaman ra tayar ru ulun ondo' mabanis guang; makaasi' io, motogom, am matimpok.

⁵ Pakaansuk noyo ulun ondo' mataau am masaga' mampaira', am niayuk mabanis guang ralalom nansalinut kandoi.

⁶ Ulun ra moonsoi kalo igogondo' pamungawo; karaan io ra sabuoi-buoi no.

⁷ Kalo malaa' io mangapu ra tanou malaat; guang nano mingkotog sabap ra mangintopot ra Tuhan.

⁸ Kalo magalabo kapoam malaa' io sabap ra mangintopot io ra pantula' nano maalap kalaan.

⁹ Pataakon no rapu' nano ra ulun musikin, masalok io mataau, manguasa' io am urumaton ru ulun.

¹⁰ Ulun malaat sumangit magilong ra baal koson raginio; masisang ilo magilong raki'. Ilo pana mapuso boo; gogoton nilo natatak ra sabuoi-buoi no.