MAZMUR 110 - Tanou Moonsoi Timugon

Tuhan am Raja' pinili' Nano

¹ Mazmur ri Daut. Minindagu Tuhan no ra raja' no, “Panturung soor ra pamiris Kutu, saboi ngaangai' pantula' muno makuasa' Ku am pataakon rirun.”

² Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

³ Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

⁴ Nambaal Tuhan ra bantu' am kalo luguton No sagulio' bantu' Nano, “Sabubuoi no okou masauk ra imam, koson ri Milkisidik.”

⁵ Soroi Tuhan ra tampilon pamiris muno koson mangindangan rirun; bulintok ra Io sumangit, raja'-raja' kalaan No.

⁶ Ukumin No bansa'-bansa', saboi pangayawan raginio masuang mamagatoi; kalaan No raja'-raja' ra titikop ru tana' ti.

⁷ Manginum raja' no intor ra sungoi boborok ondo' nakakiing ra ralan. Kaikang io raiti, mamanang raja' no.