MAZMUR 1 - Tanou Moonsoi Timugon

KITAB KASAA' ( Mzm. 1—41 ) Kaansukan ra sotopot no

¹ Pakaansuk noyo ulun ondo' kalo maya' ra ragu ru ulun malaat, kalo maya' ra paliso ru ulun makatula, kapoam lumatok ra ulun ondo' magasab ri Aki Kapuuno',

² kaa' masaga' mintopot ra Ukum ru Tuhan am karaan no ginio ra orou rondom.

³ Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

⁴ Kaa' ulun malaat no kalo koson raginio; ilo koson ra apol ondo' nasiob ru angin.

⁵ Ulun ondo' malaat maaru' ukumin ri Aki Kapuuno', am pasuayon intor ra ulun ondo' mangintopot Riso.

⁶ Ulun ondo' gumagaya' ilaan am ampinin ru Tuhan kaa' ulun ondo' malaat makarapog kapaganan maaja'.