JIRIMIA 45 - Tanou Moonsoi Timugon

Bantu' ri Aki Kapuuno' ri Baruk

¹ Paat ra bilor kaapat ra pamarintaan ru Raja' Joyakim anak ungkuyon ru Raja' Josia koson ra raja' ru Jiuda, nanulis i Baruk ra atan ondo' pinabala' ku noyo riso. Kopongo raginio nambala' aku riso

² ra koon raginio noyo ragu ru Tuhan, i Aki Kapuuno' ru Israil, “Okou Baruk,

³ kamu, ‘Malawo aku. Rinuangan ru Tuhan kangilukan mongoi ra kapaganan kuno. Naagui aku no nampalaa'. Kalo noyo mokororo' aku.’

⁴ Kaa' raino Aku, Tuhan, tatanga' mampalunsai ra atan ondo' binaal Kuno; tatanga' Aku mamubul ra atan ondo' tinanom Kuno. Baalon Ku ginio ra titikop ru tana' ti.

⁵ Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”