ESTER 10 - Tanou Moonsoi Timugon

Kinaayo ru Raja' Agaswiros am i Mordikai

¹ Raja' Agaswiros nambaal ra kandoi-kandoi pajajalon ra mamagun giu' ra libung-libung ru nagas am niayuk giu' ra libung-libung ra asak giu' ra ralalom ru pamarintaan nano.

² Ngaangai' binaal nano ondo' maayo am makaimuag, nakasimpung tunung ru raja' nampalantik ri Mordikai koson ra pagawai masawat, mokoondo' tinulisan ra ralalom panulisan rasmi ru raja'-raja' Pirsia am Midia.

³ I Mordikai, ulun ru Jaudi narayus nampaguut ra kandoi masawat kaga' ragana' ru Raja' Agaswiros galama'. I Mordikai urumaton am kasagain ru ulun rondo' bansa' riso. Piniratan no toojo koson kaatangan am kaansayan ru bansa' nano am niayuk ngaangai' papag nilo.