1 TUNUNG RU BANSA' ISRAIL 8 - Tanou Moonsoi Timugon

Papag ri Binjamin

¹ I Binjamin mokoondo' limo anak ungkuyon. Maya' ra umur nilo, ilo no i Bila, Asybil, Agrag,

² Noga am Rapa.

³ Papag ri Bila iono i Adar, Gira, Abigud,

⁴ Abisua, Naaman, Agoa,

⁵ Gira, Sipupan am i Guram.

^6-7 Papag ri Igud iono i Naaman, Agia am Gira. Ilo noyo tingganai ru sasambaloi ondo' ragili minayan giu' ra Giba, kaa' pinagiru' intor ra intok raginio, am minanding ilo ra Managat am minayan ra giu' no. I Gira naningganai risilo ra nabandingan no. I Gira mokoondo' ruo anak ungkuyon, i Uja am i Agigud.

^8-9 I Sagaraim nangali ra ruo ngaulun andu' nano ondo' ininggalanan ri Gusim am i Baara. Kopongo raginio paat ra io minayan giu' ra pagun Moab, nanangandu' io ri Godis am mokoondo' tulu' anak ungkuyon: i Jobab, Jibya, Misa, Malkam,

¹⁰ Jius, Sokya am Mirma. Ngaangai' anak nano nasauk ra tingganai ru sasambaloi.

¹¹ Io am andu' nano ininggalanan ri Gusim, i Sagaraim mokoondo' ruo anak ungkuyon, i Abitub am i Ilpaal.

¹² I Ilpaal mokoondo' talu anak ungkuyon: Ibir, Misam am Simid. I Simid noyo ondo' nambaal ra bandar Ono am Lod, am niayuk pekan-pekan giu' ra liliut no.

Ulun ru Binjamin giu' ra Gat am Ayalon

¹³ I Biria am i Sima noyo tingganai ru sasambaloi ondo' minayan giu' ra bandar Ayalon. Pinagiru' nilo mamagun ru bandar Gat.

¹⁴ Papag ri Biria iono i Agio, Sasak, Jirimot,

¹⁵ Jibaja, Arad, Idir,

¹⁶ Maikol, Jispa am Joga.

Ulun ru Binjamin giu' ra Jirusalim

¹⁷ Papag ri Ilpaal iono i Jibaja, Misulam, Gijki, Gibir,

¹⁸ Jismirai, Jijlia am Jobab.

¹⁹ Papag ri Simii iono i Jakim, Jikri, Jabdi,

²⁰ Ilyoinai, Jilitai, Iliil,

²¹ Adaya, Biraya am Simrat.

²² Papag ri Sasak iono i Jispan, Ibir, Iliil,

²³ Abdon, Jikri, Ganan,

²⁴ Gananya, Ilam, Antotia,

²⁵ Jipdiya am Pinuil.

²⁶ Papag ri Jirogam iono i Samsirai, Sigaria, Atalya,

²⁷ Jaarisia, Ilia am Jikri.

²⁸ Gini noyo tingganai ru sasambaloi am tingganai ondo' tinulisan ralalom ru suang ru papag nilo. Minayan ilo giu' ra Jirusalim.

Ulun ru Binjamin giu' ra Gibion am Jirusalim

²⁹ I Jiyil nambaal ra bandar Gibion am namagun ra giu' no. Andu' nano ininggalanan ri Maakga,

³⁰ am anak katuaan nilo ininggalanan ri Abdon. Ilo mokoondo' anak ungkuyon ra bokon: I Jur, Kis, Baal, Nir, Nadab,

³¹ Gidor, Agio, Jakaria,

³² am Miklot, iono ama' ri Simia. Papag nilo minayan giu' ra Jirusalim nababaya' ra sasambaloi ra bokon intor ra bansa' ra nogondo'.

Sasambaloi ru Raja' Saul

³³ Ama' ru Raja' Saul ininggalanan ri Kis am aki nano ininggalanan ri Nir. Raja' Saul mokoondo' apat anak ungkuyon: I Jonatan, Malkisua, Abinadab am Isybaal.

³⁴ I Jonatan mokoondo' anak ungkuyon ininggalanan ri Miribaal, iono ama' ri Mika.

³⁵ I Mika mokoondo' apat anak ungkuyon: I Piton, Milik, Taria am Agas.

³⁶ Anak ri Agas ininggalanan ri Joada. I Joada mokoondo' talu anak ungkuyon: I Alimit, Ajmawit am Jimri. Gitilo noyo suang ru papag ri Jimri:

³⁷ I Moja, Bina, Rapa, Ilasa am Ajil.

³⁸ I Ajil mokoondo' onom anak ungkuyon: I Ajrikam, Bokru, Ismail, Siaria, Obaja am Ganan.

³⁹ I Isik, pabukat ungkuyon ri Ajil mokoondo' talu anak ungkuyon: I Ulam ondo' katuaan, Jius am Ilipilit.

⁴⁰ Anak-anak ri Ulam iono saujor mapanggol am mamanah ra mapandai kaga'. Anak akupu nilo ra ungkuyon suang no 150 ngaulun. Ilo ngaangai' ulun ru bansa' ru Binjamin.