1 TUNUNG RU BANSA' ISRAIL 3 - Tanou Moonsoi Timugon

Anak ungkuyon am ruandu' ru Raja' Daut

^1-3 Gitilo noyo suang ru inggalan ru anak ungkuyon ru Raja' Daut ondo' inanak giu' ra Gibron, sumugut ra umur nilo: I Amnon – ina' nano ininggalanan ri Aginoam intor ra Jijriil I Danil – ina' nano ininggalanan ri Abigail intor ra Karmil I Absalom – ina' nano ininggalanan ri Maakga, anak ruandu' ru Raja' Talmai intor ra Gisur I Adonia – ina' nano ininggalanan ri Gagit I Sipatia – ina' nano i Abital I Jitriam – ina' nano i Igla.

⁴ Koonom-onom anak ungkuyon ru Raja' Daut no inanak giu' ra Gibron paat Raja' Daut namarinta ra giu' no buoi tulu' ngambilor am naintanga'. Giu' ra Jirusalim, Raja' Daut namarinta koson ra raja' buoi talu ngoopor am talu ngambilor,

⁵ am masuang anak ungkuyon nano inanak ra giu' no. Andu' nano i Batsyiba anak ri Amiil, naganak ra apat anak ungkuyon giu' ra Jirusalim. Inggalan nilo i Simia, Sobab, Natan am i Salomo.

⁶ Raja' Daut mokoondo' siam ngaulun anak ungkuyon ra bokon: Jibgar, Ilisua, Ilipilit,

⁷ Noga, Nipig, Japia,

⁸ Ilisama, Ilyada am Ilipilit.

⁹ Suai intor risilo, Raja' Daut mokoondo' anak ungkuyon intor ra ruandu'-ruandu' parulug nano. Raja' Daut niayuk mokoondo' sangulun anak ruandu' ininggalanan ri Tamar.

Papag ru Raja' Salomo

¹⁰ Gitilo noyo suang ru papag ru Raja' Salomo intor ra ama' mongoi ra anak ungkuyon: Salomo, Rigabiam, Abia, Asa, Josapat,

¹¹ Jigoram, Agajia, Joas,

¹² Amajia, Ujia, Jotam,

¹³ Agas, Gijkia, Manasi,

¹⁴ Amon am Josia.

¹⁵ I Josia mokoondo' apat anak ungkuyon: Joganan, Joyakim, Jidikia am Joagas.

¹⁶ I Joyakim mokoondo' ruo anak ungkuyon, i Joyakin am i Jidikia.

Papag ru Raja' Joyakin

¹⁷ Gitilo noyo papag ru Raja' Joyakin, raja' ondo' rinakop ru ulun ru Babilonia. I Joyakin mokoondo' tulu' anak ungkuyon: Sialtiil,

¹⁸ Malkiram, Pidaya, Syinajar, Jikamya, Gosama am Nidabya.

¹⁹ I Pidaya mokoondo' ruo anak ungkuyon, i Jirubabil am i Simii. I Jirubabil mokoondo' ruo anak ungkuyon ininggalanan ri Misulam am i Gananya, am sangulun anak ruandu' ininggalanan ri Silomit.

²⁰ I Jirubabil mokoondo' limo anak ungkuyon ra bokon: Gasuba, Ogil, Birikia, Gasaja am Jusab-Gisid.

²¹ I Gananya mokoondo' ruo anak ungkuyon, i Pilatia am i Jisaya. I Jisaya ama' ri Ripaya, i Ripaya ama' ri Arnan, i Arnan ama' ri Obaja, am i Obaja ama' ri Sikania.

²² I Sikania mokoondo' sangulun anak ungkuyon ininggalanan ri Simaya. I Simaya mokoondo' limo anak ungkuyon: Gatus, Jigal, Baria, Niarya am Sapat.

²³ I Niarya mokoondo' talu anak ungkuyon: Ilyoinai, Gijkia am Ajrikam.

²⁴ I Ilyoinai mokoondo' tulu' anak ungkuyon: Godawya, Ilyasib, Pilaya, Akub, Joganan, Dilaya am Anani.