1 TUNUNG RU BANSA' ISRAIL 2 - Tanou Moonsoi Timugon

Papag ri Jiuda

¹ I Jakub mokoondo' mopor am ruo ngaulun anak ungkuyon: Rubin, Simion, Liwi, Jiuda, Isakar, Jibulon,

² Dan, Jusup, Binjamin, Naptali, Gad am Asyir.

^3-4 I Jiuda mokoondo' limo ngaulun anak ungkuyon. Andu' nano ininggalanan ri Batsyua, sangulun ruandu' ru Kanaan, naganak ri Ir, i Onan am i Sila; i Tamar, anak mangiwan ri Jiuda galama', naganak ri Piris am i Jirag. I Ir, anak katuaan ri Jiuda no malaat kaga', saboi namatoi Tuhan riso.

⁵ I Piris mokoondo' ruo ngaulun anak ungkuyon, i Gijron am i Gamul.

⁶ I Jirag, pabukat ri Piris, mokoondo' limo ngaulun anak ungkuyon: Jimri, Itan, Giman, Kalkol am Dara.

⁷ I Akgan anak ri Karmi, sangulun intor ra papag ri Jirag, namparatong ra karaat ra ulun ru Israil sabap ra nambuli io ra kuliamos ginaau ondo' patimpokon ri Aki Kapuuno'.

⁸ I Itan mokoondo' ra sangulun anak ungkuyon ininggalanan ri Ajaria.

Suang ru papag ri Raja' Daut

⁹ I Gijron mokoondo' talu ngaulun anak ungkuyon: Jiragmiil, Ram am Kalib.

¹⁰ Suang ru papag ri Ram polos i Isai koson ragitio: Ram, Aminadab, Nagason (sangulun tingganai intor ra bansa' ru Jiuda),

¹¹ Salmon, Boas,

¹² Obid, Isai.

¹³ I Isai mokoondo' tulu' ngaulun anak ungkuyon. Gitilo noyo inggalan nilo sumugut ra umur: Iliab, Abinadab, Simia,

¹⁴ Nitaniil, Radai,

¹⁵ Ojim am Daut.

¹⁶ I Isai niayuk mokoondo' ruo ngaulun anak ruandu', i Jiruya am i Abigail. I Jiruya mokoondo' talu ngaulun anak ungkuyon: Abisai, Joab am Asail.

¹⁷ I Abigail nangindalaki ri Jitir papag ri Ismail. Ilo mokoondo' sangulun anak ungkuyon ininggalanan ri Amasa.

Papag ri Gijron

¹⁸ I Kalib anak ri Gijron nagandu' ri Ajuba, am mokoondo' sangulun anak ruandu' ininggalanan ri Jiriot. I Jiriot mokoondo' talu ngaulun anak ungkuyon: Jijir, Sobab am Ardon.

¹⁹ Kopongo i Ajuba minatoi, i Kalib nagandu' ri Iprat, am mokoondo' sangulun anak ungkuyon ininggalanan ri Gur.

²⁰ Anak ungkuyon ri Gur ininggalanan ri Uri, am akupu nano ininggalanan ri Bijalil.

²¹ Paat ra umur ri Gijron onom ngoopor ngambilor, io nagandu' ra pabukat ruandu' ri Giliad, iono anak ri Makgir. Mokoondo' ilo sangulun anak ungkuyon ininggalanan ri Sigub,

²² am i Sigub mokoondo' sangulun anak ungkuyon ininggalanan ri Jair. I Jair mokoondo' ruo ngoopor am talu pekan giu' ra wilayah ru Giliad.

²³ Kaa' pamarintaan ru Gisur am Aram nangala ra onom ngoopor pekan giu' ra wilayah raginio nakaaya' ngaangai' pekan ri Jair, am i Kinat, am niayuk pekan-pekan boborok giu' ra liliut no. Ngaangai' ulun ondo' minayan ra giu' no papag ri Makgir, iono ama' ri Giliad.

²⁴ Kopongo i Gijron minatoi, i Kalib anak nano nagandu' ri Iprat, napuor ru ama' nano. Ilo mokoondo' sangulun anak ungkuyon ininggalanan ri Asygur; io no nanirong ra bandar Tikoa.

Papag ri Jiragmiil

²⁵ I Jiragmiil, anak katuaan ri Gijron, mokoondo' limo ngaulun anak ungkuyon: Ram ondo' katuaan, am Buna, Orin, Ojim am Agia.

^26-27 Mokoondo' i Ram talu ngaulun anak ungkuyon: Maas, Jamin am Ikir. I Jiragmiil mokoondo' sangulun andu' ra bokon ininggalanan ri Atara. Mokoondo' ilo sangulun anak ungkuyon ininggalanan ri Onam.

²⁸ Mokoondo' i Onam ruo anak ungkuyon, i Samai am i Jada. Mokoondo' i Samai ruo anak ungkuyon, i Nadab am i Abisur.

²⁹ I Abisur nagandu' ra sangulun ruandu' ininggalanan ri Abiail, am mokoondo' ilo ruo anak ungkuyon, i Agban am i Molid.

³⁰ I Nadab, pongkotob ri Abisur, mokoondo' ruo anak ungkuyon, ininggalanan ri Silid am i Apaim, kaa' i Silid minatoi ra kolondo' anak.

³¹ I Apaim ama' ri Jisii, i Jisii ama' ri Sisan am i Sisan ama' ri Alai.

³² I Jada, pongkotob ri Samai, mokoondo' ruo anak ungkuyon, i Jitir am i Jonatan, kaa' i Jitir minatoi ra kolondo' anak ungkuyon.

³³ Mokoondo' i Jonatan ruo anak ungkuyon, i Pilit am i Jaja. Ilo ngaangai' papag ri Jiragmiil.

³⁴ Kolondo' anak ungkuyon ri Sisan, anak ruandu' ayuk. Mokoondo' io sangulun ulipon bansa' ru Misir ininggalanan ri Jarga,

³⁵ ondo' pinagandu' no ra sangulun intor ra anak ruandu' nano. Mokoondo' ilo sangulun anak ungkuyon ininggalanan ri Atai.

³⁶ Suang ru papag ri Atai polos ri Ilisama koson ragitilo: Atai, Natan, Jabad,

³⁷ Iplal, Obid

³⁸ Jigu, Ajaria,

³⁹ Gilis, Ilasa,

⁴⁰ Sismai, Salum,

⁴¹ Jikamya am Ilisama.

Papag ri Kalib

⁴² I Kalib, pabukat ri Jiragmiil, mokoondo' sangulun anak ungkuyon ininggalanan ri Misa; io anak ungkuyon nano ra katuaan. I Misa ama' ri Jiip, i Jiip ama' ri Marisa, i Marisa ama' ri Gibron.

⁴³ Mokoondo' i Gibron apat anak ungkuyon: Kora, Tapua, Rikim am Sima.

⁴⁴ I Sima ama' ri Ragam, am aki ri Jorkiam. I Rikim, pongkotob ri Sima iono ama' ri Samai;

⁴⁵ i Samai ama' ri Maon am i Maon ama' ri Bit-Jur.

⁴⁶ I Kalib mokoondo' sangulun ruandu' parulug ininggalanan ri Ipa. Mokoondo' ilo talu anak ungkuyon: Aran, Moja am Gajis. I Aran niayuk mokoondo' sangulun anak ungkuyon ininggalanan ri Gajis. (

⁴⁷ Sangulun ungkuyon ininggalanan ri Jogdai mokoondo' onom ngaulun anak ungkuyon: Rigim, Jotam, Gisan, Pilit, Ipa am Saap.)

⁴⁸ I Kalib mokoondo' sangulun ruandu' parulug ra bokon ininggalanan ri Maakga. Mokoondo' ilo ruo anak ungkuyon, i Sibir am i Tirgana.

⁴⁹ Kopongo raginio naganak i Maakga ra ruo anak ungkuyon poyo ininggalanan ri Saap am i Siwa. I Saap nambaal ra bandar Madmana, am i Siwa nambaal ra bandar Makbina am Gibia. I Kalib niayuk mokoondo' sangulun anak ruandu' ininggalanan ri Aksa.

⁵⁰ Gitilo papag ri Kalib niayuk: I Gur anak ungkuyon katuaan ri Kalib am andu' nano, i Iprat. I Siobal, anak ungkuyon ri Gur iono ondo' nambaal ra bandar Kiryat-Jiarim.

⁵¹ I Salma, anak ungkuyon nano ra karuo ondo' nambaal ra bandar Bitligim; i Garip, anak ungkuyon nano ra katalu ondo' nambaal ra bandar Bit-Gadir.

⁵² I Siobal, ondo' nambaal ra bandar Kiryat-Jiarim iono kinamatuaan ru ulun ru Garoi, sampiruo intor ra mamagun ru Minugot,

⁵³ am bansa'-bansa' ondo' namagun giu' ra Kiryat-Jiarim, iono bansa' ru Jitri, Puti, Sumati am Misrai. (Mamagun ru bandar Jora am Isytaol noyo ulun intor ra bansa' raginilo.)

⁵⁴ I Salma, ondo' nambaal ra bandar Bitligim noyo kinamatuaan ru ulun ru Nitopa, ulun ru Atarot-Bit-Joab am ulun ru Jori, iono rondo' intor ra ruo bansa' ondo' minayan giu' ra Managti. (

⁵⁵ Bansa'-bansa' ondo' mapandai kaga' ralalom ru panulisan am mamparalin ra surat-surat ondo' mangaatang minayan giu' ra bandar ru Jabis. Bansa' raginilo iono Tirati, Simati am Sukati. Ilo noyo ulun ru Kini ondo' natagandu' ra ulun ru Rikab.)