Jona 1 - Tolomaku Portions 1909

NA SOPENA 1.

¹ Na leo hi Iehova monumai me Jona matu i Amitai, moaso,

² Oimaraha, oivano me Nineve, na vanua tahajia, oilalaa ta mera me na vanua natuha; suria na taveti hi na pilara vei vasoosoo mosahamai meau.

³ Maa Jona moma-raha sura rovo me Tarsis turei Iehova; mosivo me Jopa, morena ure motea va-hatea ivano me Tarsis: tau movola riona, mosivo me na lolona ure, sura vcwfevsz ano valuira me Tarsis turei Iehova.

⁴ Maa Iehova moputuhe na lahi tahajia ta na tasi, na tasi molosu tahajia, vahatea na ure momajere suria.

⁵ Tau ra taha varao hi na ure teine, tematapisi me ra atua hira; tau terahutuhe ra sanu voli-voli me na ure teputuhera ta na tasi, sura ve na ure momararaha. Maa Jona mosivo mine me na lolona ure; monavu pupura ae.

⁶ Tau na varese hi na ure mosumai mea, moaso ta mea, moaso, O iniho, na taha navu pupura, motoma? oimaraha, oimatapisi me na Atua himu, tau Atua usu ininima hije tisamate.

⁷ Tau itea moaso me tuana, moaso, Motahonae tivali, tau tipinisi surisei na sanu oso naa momalua meja. Tevali suria, tesooi Jona.

⁸ Tau teaso mea, Motahonae oivetia ta meamamu surisei na sanu oso naa momalua meja; na pi-lamu varao nasava? omaraha veae? tta vanuamu veae? iniho na tuana tanoho veae?

⁹ Tau moaso ta mera, moaso, Inau na Hiperu motea; inau aine Iehova, na Atua hi na tailahi, na taha taitai hi na tasi me na ulu.

¹⁰ Tau ra tajua teine tohova, teaso ta mea, teaso, Na sanu sava naa osivea? Suria ra tajua tepi-nisia morovo toho turei Iehova, suria movaraira mine.

¹¹ Tau teaso ta mea, teaso, Amamaive nasava ta meho, suri na tasi itoho tamautu ta meamamu? suria na tasi molosu tahajia maa.

¹² Tau moaso ta mera, Otolaviau, otoputuheau ta na tasi; na tasi itoho tamautu ta meamiu suria: suria inau apinisia na tasi molosu tahajia meamiu pale a suriau.

¹³ Maa ra tajua tesua hauhaua sura taliliu me na ulu; maa tesapinisa liliu ae: suria na tasi molosu tahajia maa mera.

¹⁴ Tau tematapisi me Iehova suria, teaso, Amamausiho, O Iehova, amamausiho, moso amamaimate suri na tajua naa, moso oiaso amamavei mete na tajua tahonae motea: suria iniho, O Iehova, ovei mine na sanu osimeje na vea.

¹⁵ Tau telavi Jona, teputuhea ta na tasi: tau na losu hi na tasi mosori.

¹⁶ Tau ra tajua teine tohova Iehova; telotu me Iehova.

¹⁷ Maa Iehova movei vavanao na maji tahajia motea sura tuhuni Jona; tau Jona motoho me na lolona maji na rani motolu me na pohi motolu.