2 Timote 1 - Tolomaku Portions 1909

SOPENA 1.

¹ Paul na Varisula hi Iesu Kristo suria Atua momejeia, sura vetiveti na Mauri topasuae me Kristo Iesu,

² Me Timote na matuu amejeia; motahonai Atua Tamaja, me Kristo Iesu na Moli hija, moaso tahonai meho, na lolona momalumu meho, morahu na lolo-ta-mautu meho.

³ Aitavere hina ejieji me Atua, avarao suria, pala ra tamau teveia, hina matunalolou tahavoe, me na hisa aninima niho, pala aivea tui tui, me ra seu matapisi me na pohi me na rani.

⁴ Ameje tohova na reniho suria aninima ra tihisimu, sura aejieji tohova.

⁵ Aninima na rohoroho taharahu oipisea, na rohoroho torenia majiha me puimu Lois me tinam Unisi, tomotoho naanoi, aninima meho mono.

⁶ Suria avaraiho oisuviseri na rahuvuso hi Atua mopilam tau atataa ra haveu meho.

⁷ Na Talume Atua morahu ta meja mosasulae sura veja toine maa sura tohauhaua, tomeje, totapuja varese hija.

⁸ Suria oitena tamatamalihi suri na vetiveti hina Moli hija, e suriau na taha-auri: maa oilavi na sanu hauhaua meho valuiau suri na Leo Tahonai pala Atua motui-turituam.

⁹ Atua moveja tojolo, mooreja me na varao tapu, mosavea sura voli ra sanu tovera, maa suria na lolona momalumu meja. Na loloi Atua momalum meja mine na ulu movaere.

¹⁰ Maa movavaha me na havui suria na pilaja Tahajolo Iesu Kristo momalua, isei movei na Mate mosori, movei vavaha na jolo me na mauri rusi tuitui hina Leo Tahonai.

¹¹ Suria moveau na taha-lalaa, na varisula, na tijer me ra lolopohitupu.

¹² Suri ra sanu naa teveioso meau; maa asatamatamalihi suria apinisi nie isei arohoroho mea, aninima hauhaua mopinisi na mata ra sanu airahu mea me na rani natuha.

¹³ Hijetoho ra leo taharahu orohora meau me na rohoroho me na meje hi Kristo Iesu.

¹⁴ Na sanu tahonai morahu meho oimata susuhia hina Talume Tapu isei tomotoho me na loloja.

¹⁵ Apinisi hire vunuvunu me Esia teliliu tureau: ihire Vijelus me Hermojenes.

¹⁶ Motahonai na Moli mololomalumu me ra uluo hi Onesivorus; vahatari movei na lolou mojovi, mosatamatamalihi suri ra asi me ra haveu;

¹⁷ Me na rani tomotoho me Romu motiroau tahajia, mopasuau.

¹⁸ Motahonai na Moli mlolomalumu mea me na Rani Natuha; paleve motuiturituau vahatari me Evisus oipinisi susuhia.