Zekariya 9 - La Bible en Otetela (Bible K'Ekila) 1991

Elumbwelu le Wedja wa lʼUtshimba

¹ Diui dia Latuyalaka diakayi Lu dikambu dia kete ya Hadaraka, Diayuyala ladiku dia Damaseke. Esuinba wa Arama weko wa Latuyalaka, Uku wauhu tshe wa Isariyele;

² Ndu Hamata lukumi lu ulelu awo, Tura la Sidona, kuyanga mbewo akanga a yimba efula.

³ Tura akayahikela usumba a wulu; Wakamotsha fesa ului uku ditshu, La paunyi yʼololo uku loteke la lu esese

⁴ Ulungi, Khumadiondjo ayokosola, Ayutambia ukundji awo lu ashi a wuki. Ku Tura ayutshumbama lu dja.

⁵ Ashikelona ayena dikambu diako, ku vo wayuka woma; Ndu Ngaza ntu, ayundama la sasi, Ndu Ekerona, ne dia elungamelu kawo kambufutana. Khumʼekanga ayuvo uma la Ngaza; Ashikelona huyala la antu ntu.

⁶ Antu wutshikitanyi wauhu wayudjase lu Ashidode Ku dimi layulanya utaku wʼasi Filistiya.

⁷ Dimi layunya dikila uma lʼunyo awo, La akambu wa wononyi uma lʼatei a wanyu awo; Ndu vo wayuyala atshikadi ne dia Unyashungu asu. Vo wayuyala uku atshiha a wauhu lu Juda, La Ekerona wayuyala uku asi Jebuse.

⁸ Dimi layuhanga lʼutshimba a luudu lami, Dia ndo lʼului wʼalimbi, Ne dia kakiane dime lambena lʼashu ami.

Khumʼekanga Kukuyala la Siona

⁹ We ona umuntu a Siona, ongenengene utamanya! Ona umuntu a Jerusalema li, udi tukuku tʼongenongeno! Enda khumʼekanga kanyu ambuya uya le nyu. Ndi eko ololo ndu eko la panda. Ndi eko la ndjakitshakitsha, Ayahemi ladiku dia punda, Ladiku diʼona osongo wa punda.

¹⁰ Dimi layulanya pusupusu ka ta kʼuma lʼEfarayima La falasa ka la kʼuma la Jerusalema. Uta wa ta wayulanyema. Khumʼekanga kaye ayuta akambu wa ki le wudja. Diulelu diandi diayuyala Uma lʼashi a waki pulu lʼashi a waki akina, Uma lu Ndjali edja ndu la kuma ya kete.

¹¹ Ndu we Siona, ne dia dikila Dia sheki yami yakamadji la ye, Dimi layutshungula antu aye weli lu lukanu, Uma lene ewo lu difuku diaha la ashi.

¹² Nyu asi lukani weli la elungamelu, Nyukaluli utsha lʼusumba anyu a wulu. Dimi lambunyutela elo nti: Dimi layunyukaluya diango tena pendi pendi.

¹³ Ne dia dimi lakayalemela Juda uku uta, Lakete Efarayima uku pitu yawo, Dimi layunyia anʼaye, we Siona, Dia vu ndo lʼana wa Ngirika. Dimi layukete uku yombo ya pami ka wulu.

¹⁴ Ku Latuyalaka ayenama ladiku diawo; Luhitu landi layutumba uku dingadimu. Khumadiondjo Latuyalaka ayuda dimama, Ayutsho lu punganendji ka la diku dia kushi.

¹⁵ Latuyalaka Kanga lulimbilimbi ayalama, Ku vo wayudiaka ambuki wʼave, wayahotshahotsha. Vo wayono dikila diawo uku wanu, Wayulula too uku alonga wʼafuku, Wayoloyama uku atshuku wʼediakelu.

¹⁶ Latuyalaka, Unyashungu awo, ayashimbela lushi lako, Ne dia vo weko limba la dungalunga la wudja andi, Ne dia vo wayoheta ngaingai lu kete yandi, Uku ave w ushinga a wulu wa lu dembo dia kusu.

¹⁷ Ndi wuki weli ololo andi li! Ndi wuki weli dimena diandi li! Weuhu wayudia elongo wʼapami, La ashi wʼelua wayudia esekaseka wʼamantu.