Zekariya 10 - La Bible en Otetela (Bible K'Ekila) 1991

Latuyalaka Ambutshungula liudja Andi

¹ Nyolombe mvula uma le Latuyalaka Lu etena ka mvula ka ndjihelu, Uma le Latuyalaka latutungaka angadimu, Ndu latutumelaka antu lanyuki la mvula Lu tumbatumba dia lu dikambo.

² Dikishi diatutaka aui wʼanyanya; Asaki wʼawulu watenaka akambu wa kashi. Amenyi wʼalo watusakulaka alo wa lukesu. Vo watusambaka antu anyanya. Okone wudja vatekekoka uku ekoko, Watuyalaka la asui, ne dia vo kema la ulami.

³ Kele kami kamboheta uku dja le alami wʼekoko. Dimi layusuya elombodi, Ne dia dimi Latuyalaka Kanga lulimbilimbi Latulamaka limba lami lʼekoko, khumbu ka Juda. Dimi layuwaete uku falasa yami yʼamena ya lu ta.

⁴ Uma le wo, kayutumba dive dia tshuku; uma le wo, kayutumba seti; Uma le wo, kayutumba eta wa ta; Uma le wo, kayutumba ambuledi tshe kame.

⁵ Vo wayuyala uku ahuka a wulu, Wayohotshahotsha atunyi awo Lu loteke la lu esese lu ta. Vo wayolo ta, ne dia Latuyalaka eko kame la wo. Ku vo wayutsha ambahemi wahemi lu falasa sonyi.

⁶ Dimi layukikitsha kbumbu ka Juda, Layushimbela khumbu ka Josefu. Dimi layakaluya ne dia dimi mbaukaka ketshi. Vo wayuyala uku akiwo ntundu latawatshanya, Ne dia dimi leli Latuyalaka, Unyashungu awo. Dimi layuwaukela.

⁷ Ku wane wʼuma lʼEfarayima wayuyala uku ahuka a wulu. Etema awo wayuyala la ongenongeno Uku wane wudjwi wanu. Anʼawo wayena dikambu diako, ku vo wayongenangena. Etema awo wayongenangena otekoya le Latuyalaka.

⁸ Dimi layuwaeta la hyungi, ndu layasanganya, Ne dia dimi lakatshungula. Vo wayufulanela uku akawafulanela lu nshi ya ntundu.

⁹ Kuyanga dimi lakahandjula lʼatei a wedia, Vo wayulumbuhoka lu wedja wʼetali. Vo wayulumba kame la anʼawo, wayukalula.

¹⁰ Dimi layutuwaosa ntu uma lu kete ya Edjibitu, Layasanganya uma lʼAsuriya. Dimi layuwaela lu kete yi Ngiliyade, la ya Lebanona, Edja ndu dihuli hadiuyutanema dia vo mbidjase.

¹¹ Vo wayuteho ashi a waki wa Edjibitu Wayokomola asukhu wʼashi a waki, Ku ehongo tshe wa Nile wayuma. Utaku wa Asuriya wayoko, Danga dia diulelu dia Edjibitu diayumo.

¹² Dimi layuwakikitsha le Latuyalaka. Vo wayuyala la ukhumu lu lukumbu landi, mbata Latuyalaka.