Walelu 7 - La Bible en Otetela (Bible K'Ekila) 1991

Elambu wa Nkidia Ediakelu

¹ Mose akashidiya mbika etemwelo ka dipema, akakikiti iso, akakikidia kame la diango diato tshe diʼulimu, ndu akakiti ediakelu iso, akakikidia kame la diango diato tshe diʼulimu.

² Lushi lako, ewandji wa Isariyele, ete wa mvudu ya washewo, ewandji a wauhu, wane waki elombodi a wane wakalema,

³ wakalambula, wakela elambu awo la ntundu ka Latuyalaka: pusupusu shamalu yukumbami, la ngombe dikumi la hyendi. Vo wakayukimo elambu awo la ntundu ka etemwelo ka dipema: ewandji ehendi, ehendi pusupusu otoi, uwandji lʼuwandji ngombe otoi.

⁴ Ku Latuyalaka akatela Mose ati:

⁵ Ulunguli diango ne uma le wo, dia ntsha la dio ulimu wa etemwelo ka dipema. Udikahanya le asi Lewi, le untu lʼuntu uku elimu andi.

⁶ Mose akalungula pusupusu la ngombe, akayikimo le asi Lewi.

⁷ Ndi akasha ana apami wʼasika Ngereshona pusupusu hyendi la ngombe nyei uku ulimu awo.

⁸ Ndi akasha ana apami wʼasika Merari pusupusu nyei la ngombe enanei uku ulimu awo, la tshina diʼelombwelo ka Itamara, onʼa olombedi Arona.

⁹ Keli ndi kumbisha ana apami wʼasi Kohata nduku engo, ne dia vo waki la okende wa ntembaka diango diʼekila lʼaheka awo.

¹⁰ Ewandji wakela elambu awo wa nkidia ediakelu lu lushi lakawakikiti iso. Ewandji ako wakela elambu ako la ntundu kʼediakelu.

¹¹ Latuyalaka akatela Mose ati: Ewandji kawuyakaki untu lʼuntu lushi landi, dia ndjukimo ulambu andi, dia nkidia ediakelu.

¹² Nashona, onʼa Aminadaba, uma lu diuhu dia Juda, akalambula ulambu lushi la ntundu.

¹³ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia fesa dia difuku dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

¹⁴ donga dia paunyi dia wutshu wa toshekele dikumi, diuludi too la malashi,

¹⁵ osongo wa ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

¹⁶ wumbi a mbudi, dia ndjala ulambu wa kolo;

¹⁷ ngombe hyendi, ekoko a waumi etanu, weumbi a mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Nashona, onʼa Aminadaba.

¹⁸ Netanele, onʼa Zuara, uwandji wa Isakara, akela ulambu andi lushi la hendi.

¹⁹ Ulambu andi wakandalambula one: donga dia fesa diʼekalekali dia wutshu wa toshekele lukama la akumi asatu, donga dia fesa dia difuku dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

²⁰ donga dia paunyi dia wutshu wa toshekele dikumi, diuludi too la malashi,

²¹ osongo a ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

²² wumbi a mbudi, dia ndjala ulambu wa kolo;

²³ ngombe hyendi, ekoko a waumi etanu, weumbi wa mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Netanele, onʼa Zuara.

²⁴ Eliyabe, onʼa Helona, uwandji wʼasi Zebuluna, akalambula ulambu andi lushi lasatu.

²⁵ Ulambu wakandalambula one: donga diʼekalekali dia fesa, dia wutshu wa toshekele lukama la akumi asatu, donga dia fesa dia difuku, dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

²⁶ donga dia paunyi dia wutshu wa toshekele dikumi, diuludi too la malashi,

²⁷ osongo a ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

²⁸ wumbi a mbudi, dia ndjala ulambu wa kolo;

²⁹ ngombe hyendi, ekoko a waumi etanu, weumbi wa mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Eliyabe, onʼa Helona.

³⁰ Elizure, onʼa Shedeure, uwandji wʼasi Rubena akalambula ulambu andi lushi la nei.

³¹ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia fesa dia difuku dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

³² donga dia paunyi dia wutshu wa toshekele dikumi, diuludi too la malashi,

³³ osongo a ngombe wʼumi, osongo wʼokoko wʼumi wʼeleku otoi, dia ndjala ulambu wa lutshumba;

³⁴ wumbi a mbudi, dia ndjala ulambu wa kolo;

³⁵ ngombe hyendi, ekoko a waumi etanu, weumbi wa mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Elizure, onʼa Shedeure.

³⁶ Shelumiyele, onʼa Zurishadai, uwandji wʼasi Simeyona, akalambula ulambu andi lushi la tanu.

³⁷ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia difuku dia fesa dia wutshu wa toshekele akumi esambeli, lu wuhu wa shekele watuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

³⁸ donga dia paunyi dia wutshu wa toshekele dikumi, diuludi too la malashi,

³⁹ osongo wa ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

⁴⁰ wumbi a mbudi, dia ndjala ulambu wa kolo;

⁴¹ ngombe hyendi, ekoko a waumi etanu, weumbi wa mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Shelumiyele, onʼa Zurishadai.

⁴² Eliyasafu, onʼa Duele, uwandji wʼasi Ngada akalambula ulambu andi lushi la samalu.

⁴³ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia difuku dia fesa dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

⁴⁴ donga dia paunyi dia wutshu wa toshekele dikumi, diuludi too la malashi,

⁴⁵ osongo a ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

⁴⁶ wumbi a mbudi, dia ndjala ulambu wa kolo;

⁴⁷ ngombe hyendi, ekoko a waumi etanu, weumbi a mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Eliyasafu, onʼa Duele.

⁴⁸ Elishama, onʼa Amihude, uwandji wʼasi Efarayima akalambula ulambu andi lushi lʼesambeli.

⁴⁹ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia difuku dia fesa dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

⁵⁰ donga dia paunyi dia wutshu wa toshekele dikumi, diuludi too la malashi,

⁵¹ osongo a ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

⁵² wumbi a mbudi, dia ndjala ulambu wa kolo;

⁵³ ngombe hyendi, ekoko a waumi etanu, weumbi wa mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Elishama, onʼa Amihude.

⁵⁴ Ngamaliyele, onʼa Pedazura, uwandji wʼasi Manase, akalambula ulambu andi lushi lʼenanei.

⁵⁵ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia difuku dia fesa dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

⁵⁶ donga dia paunyi dia wutshu wa toshekele dikumi, diuludi too la malashi,

⁵⁷ osongo a ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

⁵⁸ wumbiambudi, dia ndjala ulambu wa kolo;

⁵⁹ ngombe hyendi, ekoko a waumi etanu, weumbi a mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Ngamaliyele, onʼa Pedazura.

⁶⁰ Abidana, onʼa Ngidiyoni, uwandji wʼasi Bendjamina, akalambula ulambu andi lushi la divwa.

⁶¹ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia difuku dia fesa dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

⁶² donga dia paunyi dia wutshu wa toshekele dikumi, diuludi too la malashi,

⁶³ osongo a ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

⁶⁴ wumbi a mbudi, dia ndjala ulambu wa kolo;

⁶⁵ ngombe hyendi, ekoko a waumi etanu, weumbi a mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Abidana, onʼa Ngidiyoni.

⁶⁶ Ahiyezere, onʼa Amishadai, uwandji wʼasi Dane, akalambula ulambu andi lushi la dikumi.

⁶⁷ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia difuku dia fesa dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

⁶⁸ donga dia paunyi dia wutshu wa toshekele dikumi, diuludi too la malashi,

⁶⁹ osongo a ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

⁷⁰ wumbi a mbudi, dia ndjala ulambu wa kolo;

⁷¹ ngombe hyendi, ekoko a waumi etanu, weumbi a mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Ahiyezere, onʼa Amishadai.

⁷² Pangiyele, onʼa Okarana, uwandji wʼasi Ashere, akalambula ulambu andi lushi la dikumi lʼotoi.

⁷³ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia difuku dia fesa dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

⁷⁴ donga dia paunyi dia wutshu wa toshekele dikumi, diuludi too la malashi,

⁷⁵ osongo a ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

⁷⁶ wumbi a mbudi, dia ndjala ulambu wa kolo;

⁷⁷ ngombe hyendi, ekoko a waumi etanu, weumbi a mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Pangiyele, onʼa Okarana.

⁷⁸ Ahira, onʼa Enana, uwandji wʼasi Nafetali, akalambula ulambu andi lu lushi la dikumi lʼahendi.

⁷⁹ Ulambu wakandalambula one: donga diʼekalekali dia fesa dia wutshu wa toshekele lukama la akumi asatu, donga dia difuku dia fesa dia wutshu wa toshekele akumi esambeli, lu wuhu wa shekele yatuwedikaka lʼetemwelo, alonga ako ahendi waki too la shima ka pudipudi kosohanyimi la iso, dia ndjala ulambu wa shima;

⁸⁰ donga dia paunyi dia wutshu wa toshekele dikumi, diuludi too la malashi,

⁸¹ osongo wa ngombe wʼumi, okoko wʼumi, osongo wʼokoko wʼumi wʼeleku otoi, dia ndjala ulambu wa lutshumba;

⁸² wumbi a mbudi, dia ndjala ulambu wa kolo;

⁸³ ngombe hyendi, ekoko a waumi etanu, weumbi a mbudi etanu, esongo wʼekoko a waumi etanu wʼeleku otoi, dia ndjala ulambu wa ki. Oso aki ulambu wa Ahira, onʼa Enana.

⁸⁴ Onʼeli eshasha wakakimo ewandji wa Isariyele dia nkidia ediakelu, lushi lakatakitama iso: alonga wa fesa dikumi la ahendi, alonga wʼafuku wa fesa dikumi la ahendi, alonga wa paunyi dikumi la ahendi.

⁸⁵ Donga diʼekalekali dia fesa tshe, diaki la wutshu wa toshekele lukama la akumi asatu, lukama la akumi asatu. Donga tshe dia difuku, diaki la wutshu wa toshekele akumi esambeli, akumi esambeli. Okone wutshu tshe wa alonga wa fesa waki toshekele nunu pendi la kama nyei, lu wuhu wa shekele yatuwedikaka lʼetemwelo.

⁸⁶ Lʼatei wʼalonga wa paunyi dikumi la ahendi wakaludi too la malashi, donga la donga diaki la wutshu wa toshekele dikumi, lu wuhu wa shekele yatuwedikaka lʼetemwelo. Okone wutshu wʼalonga wa paunyi tshe aki toshekele lukama la akumi ahendi.

⁸⁷ Nyama tshe yʼulambu wa lutshumba yaki okone: ngombe ya waumi dikumi la hyendi, ekoko a waumi dikumi la ehendi, esongo wʼekoko a waumi wʼeleku otoi dikumi la ehendi, kame la elambu awo wa shima. Weumbi a mbudi wʼulambu wa kolo, waki dikumi la ehendi.

⁸⁸ Nyama tshe yʼulambu wa ki yaki okone: ngombe ya waumi akumi ahendi la nyei, ekoko a waumi akumi asamalu, weumbi a mbudi akumi asamalu, esongo wʼekoko a waumi wʼeleku otoi akumi asamalu. Oso aki eshasha wa nkidia ediakelu, lʼokongo wa nkikita iso.

⁸⁹ Lamʼakotoka Mose lu luudu lʼesanganelu la dipema dia ntusawula la Latuyalaka, ndi akukaka diui diatumba uma ladiku diʼufudi wʼoshete wa sheki wʼomenyi, uma lʼatei wʼakeruba ahendi. Diui diako mbakateketaka la ndi.