Tukedi 4 - La Bible en Otetela (Bible K'Ekila) 1991

Waho wa Yimba

¹ Anʼami, nyulungi wetshelu wa shenyu, Nyuhukami dia nimbitela yimba,

² Dimi latunyetshaka wetshelu wʼololo, Tanyosekaki alaku ami.

³ Lamʼaki ona pami le papa, Dimi laki onʼetoi, lakalangemaka le nyomi.

⁴ Papa akambetshaka, akamvutelaka ati: Utema aye akimelaki aui ami; Ulamaki elembe ami, ku we avulumba.

⁵ Uyali la yimba, uyali la ewu, Tuhelaki aui wʼuma lʼunyo ami, kuyanga mangana uma le wo.

⁶ Tosekaki yimba, ku yo yayukulama: Uyilami, ku yo yayukumbaka.

⁷ Yimba mbeli dikambu diuleki. Okone uyali la yimba Ladiku dia diango tshe dia kundja, ukundja ewu.

⁸ Olemia yimba, ku yo yayukedia; Lamʼayuyuyikhumbatela, yo yayukutungela lutumbu.

⁹ Yo yayukahe elengalenga ka dimena lʼote aye, Yayukulimbe dembo dia kusu dia dimena.

¹⁰ Onʼami, ulungi, uki aui ami, Ku nshi ya lumu laye yayuyala efula.

¹¹ Dimi latukenyaka mbuka ka yimba, Latukolombolaka lu mbuka yʼusumbwi.

¹² Lamʼatayatshu, lukulu laye halushimbama; Naka we ayulawo, lukulu laye halutakana.

¹³ Ukimelaki wetshelu one ololo, tukimoki; Ulamaki, ne dia vo mbeli lumu laye.

¹⁴ Totoki lu mbuka kʼakanga a kolo, Tokendakendaki lu mbuka kʼantu wa kolo.

¹⁵ Ewo mbuka kako, tetaki loko; Ukadimo uma loko, eti leke lukina.

¹⁶ Vo hawutulalaka djo, tshikima wambutatshi kolo; Djo yatumoka lu ashu awo, edja ndu wambutakanya untu omotshi.

¹⁷ Vo watolekaka ma diʼakambu wa kolo, Watonokaka wanu wa djawudi.

¹⁸ Keli mbuka kʼuntu ololo keli uku usasi wʼehutwelu kʼunya, Watufulanelaka edja ndu wʼunya lʼatei ote.

¹⁹ Mbuka kʼantu wa kolo keli uku udjima; Vo hawutulimbitelaka kene katatakanyaka.

²⁰ Onʼami, ulungi aui ami, Uhuke tui lu akambu watami.

²¹ Tawumoki uma lu ashu aye; Alamaki kʼesi utema aye.

²² Vo weli lumu le wane watuwashulaka, Ndu ekonwelo lu emunyi awo tshe.

²³ Okolamelaki nama utema aye lʼeteti, Ne dia uma loko katutumbaka teko dia lumu.

²⁴ Unya aui wʼeyokayoka uma lu unyo aye, Ndu aui wa wendjudi uma lʼelomo aye.

²⁵ Ashu aye wendaki utsha la ntundu, Ndu toki yaye yasimbo too.

²⁶ Ushishimi mbuka ololo ka we mbeta, Ku akambu aye tshe wayushikikala.

²⁷ Tetolaki lu lunya la lu pami kuyanga la lomoso: Unya lukulu laye uma lu kolo.