Tukedi 22 - La Bible en Otetela (Bible K'Ekila) 1991

¹ Nsonola lukumbu lʼololo ambuleka ndjala la ekundji efula ololo, Ndu ololo ambuleka fesa la paunyi ololo.

² Kanga ongonyi la usi wula watuhumanaka; Latuyalaka kakatungi vo tshe.

³ Kanga yewo atenaka elanyelu, atuyasheka. Keli kanga enginya atokolamelaka lokendo, atusuwaka loko.

⁴ Difutu dia ndjakitshakitsha la woma wa Latuyalaka Dieli: ekundji, nemo la lumu.

⁵ Atende la tulunga watuyalaka lu mbuka kʼuntu a kolo. Keli one latulamaka utema andi, atanganaka etali uma le wo.

⁶ Ekiya ona lu mbuka kʼololo kanumbandi ntsho. Ku lamʼayunduyala ekumanyi, ndi hangana uma loko.

⁷ Kanga ongonyi atulelaka usi wula, Ndu esombi atuyalaka fumbi kʼosondjanyi.

⁸ One latuneka kolo, ayuna asui. Danga dia ududu andi diayushisho.

⁹ Kanga su diʼusimbwi ayotshokwama, Ne dia ndi atushaka usi wula ma dia nde

¹⁰ Utshanya kanga losoko, ku lundju layukitakita, Ee, tamu la tengo yayushila.

¹¹ One latulangaka pudipudi kʼutema, Ndu leli la ngandji ka mamba lʼelomo andi, atuyalaka la khumʼekanga ongenyi.

¹² Ashu wa Latuyalaka watulamaka kanga ewu. Keli ndi atufutanyaka aui wa kanga kolo.

¹³ Kanga shuwasuwa katutaka ati: Tambwe keko lʼandja! Dimi layudiakema lʼesese!

¹⁴ Unyo wa umuntu akana weli difuku diʼohongo. Wane watutambelaka loko, weli wononyi le Latuyalaka.

¹⁵ Akambu wʼenginya w itukukelekamaka lʼutema wa dikenda. Keli ohehela ayuwatshanya etali uma le ndi.

¹⁶ One latengiyaka usi wula dia nfudia ukundji andi, Kana one latushaka kanga ongonyi diango, ayuyala la wula.

Welu la Diewelu

¹⁷ Uhuke tui, ulungaki aui wa kanga yimba, Umbaki ewu kami lʼutema aye.

¹⁸ Ololo we mbalama lʼutema aye, La mbashikike vo tshe lʼelomo aye,

¹⁹ Dia we mbekama Latuyalaka, Mbamumuketsha aui ako elo.

²⁰ Dimi kunkufundela Alaku wʼololo la aui wa yimba,

²¹ Wa nketsha aui wa mete wa shikaa, La dia we nkaluya aui wa mete le waku wakakutumi?

²² Tohotolaki kanga wula engo ne dia ndi eli usi wula, Tusuyaki omenyi fono lʼeotwelo ka ngelu,

²³ Ne dia Latuyalaka ayusambula dikambu diawo, Ndu ayulanya nyumu ya waku watasuyaka.

²⁴ Tekesanelaki la kanga kele, Tokendakendaki kame la kanga ngala,

²⁵ Ne dia utukuyekela mbuka yandi, Ndu utukuyutadia utemʼaye lu djunga.

²⁶ Tuyalaki lʼului a wane watutshikaka alaka esadi, Kuyanga lʼatei a wane watuyakimoka usungi lu abasa.

²⁷ Naka we kema la engo ka nfuta, Ukundi ukuki untu nkohotola tangi ketamiye?

²⁸ Tosekolaki ulelu wʼedjedja, Wakatadji washo.

²⁹ We menaka untu latutshaka ulimu andi la komba? Ndi kayemalaka la ntundu ka khumi ya dikanga, Hemala la ntundu kʼantu wʼanyanya.