Biblia Todo Logo
Bìoball air-loidhne

- Sanasan -

Tukedi 15 - La Bible en Otetela (Bible K'Ekila) 1991

1 Nkaluya diui la memakana atutshutshaka kele. Keli diui dia wulu diatufudiaka kele.

2 Lulimi la kanga yimba atutaka ewu ololo. Keli unyo wa kanga enginya watutundjaka aui wʼenginya.

3 Ashu wa Latuyalaka weko lu ahuli tshe, Watendaka antu wa kolo ndu antu wʼololo.

4 Lulimi la memakana eli utamba a lumu. Keli lulimi lʼutundjatundja latuhumuyaka utema.

5 Kanga enginya atonyolaka wetshelu wa shi. Keli one iatuhukamaka luhangu, atukundjaka ewu.

6 Diango efula diatuyalaka lu luudu lʼuntu ololo. Keli ohenyohenyo atuyalaka lu ekundjelu kʼuntu a kolo.

7 Elomo wa kanga yimba watudianganyaka ewu. Keli utema wa kanga enginya hawusimbwi.

8 Ulambu wʼuntu a kolo weli wononyi le Latuyalaka. Keli dombelo diʼuntu lʼusimbwi diatongenyangenyaka.

9 Mbuka kʼuntu a kolo keli wononyi le Latuyalaka. Keli ndi atulangaka one latuyelaka akambu wʼololo.

10 Luhangu la wulu latuyalaka le one latumoka lu mbuka. La one latutunaka luhangu, ayuvo.

11 Dihuli diʼEdu la elanyelu weko la ntundu ka Latuyalaka. Keli etema wʼantu mbuleki menama le ndi.

12 Kanga losoko hatulangaka untu mbamia. Ndi hatutshokaka le kanga yimba.

13 Utema wʼongenongeno ateteka elundji ngaingai. Keli ulingulingu mbatulanyaka utema.

14 Utema a kanga yimba atuyangaka ewu. Keli kanga enginya atongenangenaka lu akambu wʼenginya.

15 Nshi yʼomenyi fono tshe yatuyalaka kolo. Keli one leli la utema wʼongenongeno, atuyalaka la dambu diahashili.

16 Ndjala la diango tshitshe, kame la woma wa Latuyalaka, Ambuleka ndjala la ukundji efula, kame la ohenyohenyo ololo.

17 Dia nde djese lamʼeli ngandji, Ambuleka unatshi wa ngombe lamʼeli luhetshu ololo.

18 Kanga kele atufudiaka lundju. Keli one lahatukaka kele esadi, atushimbaka ta.

19 Mbuka ka kanga nende eli uku lukumbu lʼatende. Keli mbuka kʼuntu lʼusimbwi katuyalaka bamubamu.

20 One leli la yimba, atongenyangenyaka shi. Keli kanga enginya atonyolaka nyangu.

21 Akambu wʼenginya watongenyangenyaka one laha la yimba. Keli kanga yimba atusimbulaka mbuka kandi.

22 Lamʼaha ului wʼandaki, sangweyu diatufutanaka. Keli lamʼeli andaki efula, dio diatushikikalaka.

23 Ekadimwelu ka aui wʼololo wʼuma lu unyo wʼuntu katongenyangenyaka. La dia mvuta diui diukuki mvutama, eli ololo eiuia.

24 Le kanga yimba, mbuka ka lumu katelelaka utsha ladiku, Dia ndi mumo uma lu Dihuli diʼEdu dieli lʼesi.

25 Latuyalaka ayunyukula luudu la kanga utaku. Keli ndi ayushikike elelu wa wadi aki udu.

26 Sangweyu dia kolo dieli wononyi le Latuyalaka. Keli aui wʼantu wa pudipudi watuyalaka ololo.

27 Kanga lukaki atohenyahenyaka luudu landi. Keli one latuhetshaka mbu yʼutshu, ayuyala la lumu.

28 Kanga utema wʼololo atukanaka yimba dia nkaluya diui. Keli unyo wʼuntu a kolo atutundjaka akambu wa kolo.

29 Latuyalaka eko etali uma le untu a kolo. Keli ndi atulungaka dombelo diʼuntu ololo.

30 Elundji kʼongenongeno atongenyangenyaka utema, La kumu yʼololo yatukeketshaka weka.

31 Tui diatulungaka alaku wa lumu Diatuyalaka lʼatei akanga a yimba.

32 One latutunaka wetshelu, atonyolaka utema andi, Keli one latuhukameka luhangu, atukundjaka yimba.

33 Woma wa Latuyalaka, eli wetshelu wa yimba. La ndjakitshakitsha atuyalaka la ntundu ka lutumbu.

La Bible en Otetela © Allianee Biblique de la Republique Democratique du Congo, 1991 

Bible Society of the Democratic Republic of Congo
Lean sinn:



Sanasan