Nehemiya 10 - La Bible en Otetela (Bible K'Ekila) 1991

¹ Wane wakaki pita ku: Nehemiya, umbuledi onʼa Hakaliya, Zedekiya,

² Seraya, Azariya, Jeremiya,

³ Pashura, Amariya, Malakidja,

⁴ Hatushe, Shebaniya, Maluka,

⁵ Harima, Meremote, Obadiya,

⁶ Danyele, Nginetona, Baruka,

⁷ Meshulama, Abidja, Midjamina,

⁸ Maziya, Bilingai, Shemaya, waso waki elombedi.

⁹ Asi Lewi ane: Jeshua, onʼa Azaniya, Binui, uma lʼatei wʼana wa Henadada, Kadimiyele,

¹⁰ la aneng vo, Shebaniya, Hodiya, Kelita, Pelaya, Hanana,

¹¹ Mika, Rehobe, Hashabiya,

¹² Zakura, Sherebiya, Shebaniya,

¹³ Hodiya, Bani, Beninu.

¹⁴ Ewandji wʼantu ene: Paroshe, Pahata-Moaba, Elame, Zatu, Bani,

¹⁵ Buni, Azingade, Bebai,

¹⁶ Adonidja, Bingivai, Adina,

¹⁷ Atera, Hezekiya, Azura,

¹⁸ Hodijd, Hashuma, Bezai,

¹⁹ Haruu, Anatota, Nebai,

²⁰ Mangipiyashi, Meshulama, Hezire,

²¹ Meshezabele, Zadoka, Jadua,

²² Pelatiya, Hanana, Anaya,

²³ Hoshea, Hananiya, Hashuba,

²⁴ Haloheshe, Pilika, Shobeka,

²⁵ Rehume, Hashabina, Maseya,

²⁶ Ahiya, Hanana, Anana,

²⁷ Maluka, Harima, Bana.

²⁸ Atshikadi wa wudja, elombedi, asi Lewi, alami wʼasuku, emimbi, alami wʼetemwelo la wane tshe wakayatula uma le asi wedja dia ndjela elembe wa Unyashungu, vo la wadiewo, la anʼawo wʼapami, la anʼawo wʼamantu, wane tshe waki la yimba la ewu,

²⁹ wakayala kame lʼanengewo, antu a waki lʼatei awo. Vo wakatshiki tunyi, wakatshibi dia nkendakenda lu elembe wa Unyashungu wakakimo Mose, ukambi andi, dia namaka la ntshaka elembe tshe wa Khumesu Latuyalaka, aui andi, la adjangu andi.

³⁰ Shu takalaki diaha ntshukamia anʼasu wʼamantu le antu wa wudja one, ndu diaha ntshukela anʼasu wʼapami anʼawo.

³¹ Shu takalaki diaha nsumba nduku engo uma le asi wedja wayelaka diango diʼukanga la mbu ya nde lushi la mumuya, kana lushi lʼekila, ndu dia ntshika kete djasha lʼeleku kʼesambeli, diaha nfutsha nduku dibasa lʼeleku kako.

³² Ndu shu takayadjela elembe dia nkimoka etenyi otoi ka satu ka shekele lʼeleku lʼeleku ne dia ulimu wa luudu la Unyashungu asu,

³³ ne dia ma dia lenya, dia ulambu wa shima wa la lushi la lushi, dia ulambu wa lutshumba wa la lushi la lushi, wa nshi ya mumuya, wa talelu ta ngondo, wa nshi ya waki yakawashikike, dia diango diʼekila, dia elambu wa kolo dia ntungela Isariyele ekesanelu, ndu dia ulimu tshe watutshamaka lu luudu la Unyashungu asu.

³⁴ Shu, elombedi, asi Lewi la asi wudja, takuki uwali lu dikambu dia kunyi yakawahumbaka mbela eleku lʼeleku ulambu la luudu la Unyashungu asu, uku khumbu ya washesu, lu tena diakawashikike dia mpetshaka lʼediakelu ka Latuyalaka, Unyashungu asu, uku akafundama lu elembe.

³⁵ Shu takalaki dia mbelaka elonga wʼuma lu dikambo diasu ndu elonga wʼelua tshe wʼuma lʼetamba uya lu luudu la Latuyalaka lʼeleku lʼeleku.

³⁶ Shu takalaki dia mbelaka anʼasu wʼapami wa nundu, ndu ana wa dungalunga diasu uya la luudu la Unyashungu asu le elombedi watutshaka ulimu lu luudu landi, ana wa nundu wa ngombe yasu la wa ekoko asu, uku ufundami lu elembe.

³⁷ Shu takalaki dia mbelaka shima yasu yʼelonga la elambu asu, wehu tshe wʼelua, ashi wʼelua la iso le elombedi, lu mvudu ya lʼetei a luudu la Unyashungu, ndu dia mbelaka tenyi dia dikumi diʼuma lu dikambo diasu le asi Lewi, ne dia asi Lewi mbatosaka tenyi dia dikumi lu esumba tshe watutukambaka dikambo.

³⁸ Olombedi, usika Arona, ayuyala kame lʼasi Lewi lamʼayuwosaka tenyi dia dikumi. Ku vo wayelaka etenyi ka dikumi uma lu tenyi dia dikumi uya lu luudu la Unyashungu asu, lu mvudu ya lʼetei a luudu lʼeumbelu.

³⁹ Asi Isariyele la asi Lewi wayelaka elambu wʼepunga, wʼashi wʼelua ndu wʼiso uya lu mvudu ya lʼetei, lenʼeli diango diʼulimu diʼetemwelo, la elombedi watutshaka ulimu, alami wʼasuku, ndu emimbi. Shu hatoseka luudu la Unyashungu asu.