Nahuma 1 - La Bible en Otetela (Bible K'Ekila) 1991

Ududu wa Somboya ka Latuyalaka

¹ Enelo lu dikambu dia Niniva. Buku diʼenelo ka Nahuma, usi Elekoshe.

² Latuyalaka eli Unyashungu a kandjema, ndu latosomboyaka. Latuyalaka atosomboyaka ndu ell too la ududu. Latuyalaka atosomboyaka wane watuhetshaka, Atulalelaka atunyi andi ududu.

³ Latuyalaka huki kele esadi, Ndi eli wuki lu wulu andi, Ndi huyindja kanga unungu. Mbuka ka Latuyalaka keko lu punganendji ndu luhunga; Wangi weko ditshu diʼkulu andi.

⁴ Ndi atuhangwelaka ashi a waki, atuwaumiaka. Ndi atumiaka ndjali tshe. Bashana la Karamele wambolengela, Ndu alembo wa Lebanona wambolengela.

⁵ Ekungu wambudidima la ntundu kandi, Akuna wambolelo. Kete yambunyiama la ntundu kandi, Ee, andja la wane tshe wudjashi loko.

⁶ Akona eya memala la ntundu ka kele kandi? Akona eya nshikikala lu luhaladi la kele kandi? Ududu andi wambutshulo uku dja. Ave watatateka betshi betshi la ntundu kandi.

⁷ Latuyalaka eli ololo. Ndi eli eshamelu lu lushi la pa. Ndi mbeyaka wane watuyangaka eshamelu le ndi.

⁸ Keli la elula ka shashimuya, Mbayundulanya usumba wa Niniva, Mbayunduyelana lʼatunyi andi pulu lu udjima.

⁹ Kakona kasanguyanyu ntshela Latuyalaka? Ndi ayulanya tshe. Sui hadienama etena ka hendi.

¹⁰ Vo wambutshumbama Uku atende wudingitanyi, Uku adiyu wambuma.

¹¹ Untu omotshi akatumbi uma lʼatei aye, Lakasanguya dia ntshela latuyalaka kolo, Ndi aki la kanyi ya kolo.

¹² Latuyalaka kata ati: Kuyanga mbewo la wulu, ndu mbewo efula, Vo wayulanyema, wayushisho Kuyanga mbakamakusuya, dimi halukusuya ntu.

¹³ Kakiane dimi lutsha mbokola lokoho landi leli ladiku diaye, Ndu lutsha mpimbula ekodi aye tenyi tenyi.

¹⁴ Latuyalaka ambudja olembe lu dikambu diaye, Diaha lukumbu laye ndjala pundju. Dimi layulanya efanelu ka losela La efanelu ka lolelola uma lu luudu la ditemolatemola diaye. Dimi layukutshimela alumbu diaye, Ne dia we ambuyala engo kaha la nemo.

Lukumu la Ekwelo ka Niniva

¹⁵ Nyendi akaka wa one layela lukumu lʼololo, Lata akambu wa ki ladiku diʼekungu! Uyali la nshi yaye ya waki, we Juda. Ushidiya alokoloko aye, Ne dia untu a kolo heta lʼatei aye ntu, Ndi ambulanyema tshe.