Jobo 26 - La Bible en Otetela (Bible K'Ekila) 1991

Jobo Ambulimula Wuki wa Luwandji la Unyashungu

¹ Ku Jobo akahula diui ati;

² We ambukimanyia one laha la wulu; Ambushimbela lunya laha la wulu!

³ Ndi alaku wʼamena wambuyulaka one laha la ewu li! Ndi efula ka yimba kambuyukahanya li!

⁴ Akona atoteketaka la ye, Ndu atukushaka yimba nye?

⁵ Djimu diakadidima la tshina dia kete, Ndu ashi la waku watudjaseka loko.

⁶ Dihuli diʼEdu dieko hwe la ntundu ka Unyashungu, La ohongo adio kema la ukumbo.

⁷ Ndi atunanulaka leke la ngeʼla kushi lu dihuli dia hwe. Atolendjalendjaka kete lamʼaha nduku engo.

⁸ Ndi atombaka ashi la wangi andi wa keka, Ku wangi hawutundo la tshina la wutshu awo.

⁹ Ndi atukumbaka kiti kandi ka diulelu beke tshe, Atukifeka dingi.

¹⁰ Ndi akadji utshimbedi ladiku diʼashi, Uku ulelu lʼasa usasi la udjima.

¹¹ Dikoho dia lʼulungu diatusukasukaka, Ndu diatambaka luhangu landi.

¹² Uma lu wulu andi, mbatundudiyaka ashi a waki; Uma lu ewu kandi, mbatundolembiaka shimiamba.

¹³ Efufelu kandi kateteka ulungu pudipudi, La lunya landi mbatundutundutunduyaka kengandu.

¹⁴ Enda, waso weli paka emamu wa mbuka yandi, Paka lohokoso la tshitshe mbatutukaka uma le ndi, Keli akona eya nimbitela dikhungula dia wulu andi?