Jeremiya 45 - La Bible en Otetela (Bible K'Ekila) 1991

Okendji wa Jeremiya le Baruka

¹ Diui ne mbakatela umvutshi Jeremiya Baruka, onʼa Neriya, lamʼa-kandatafundaka aui ane lu buku, wakawutelaka Jeremiya lu eleku ka nei ka diulelu dia Jehoyakima, onʼa Josiya, khumʼekanga ka Juda, ati:

² Latuyalaka, Unyashungu wa Isariyele, kata lu dikambu diaye, we Baruka, ati:

³ We kakati wati: Ndi fono kambuyala le mi li! Latuyalaka ambahe lunyangu ladiku dia kandji kami. Dimi lambuheko la akhumu, hatani mumuya.

⁴ Kuwuteli wati: Latuyalaka kata ati: Kene kakamahiki, kayumuhandjula; la kene kakamune, kayumuhikula; kana mvuta ati: Wudja one tshe.

⁵ We atuyayangelaka akambu a waki? Tayangaki! Enda, dimi lutsha mbela elanyelu le antu tshe, keli dimi layukusha lumu laye, uku engo ka dimbu le ye lu ahuli tshe wayuyutatshokaka.