Jashua 15 - La Bible en Otetela (Bible K'Ekila) 1991

Kete Yakawasha Juda

¹ Kete yakandama uwali le diuhu diʼasi Juda, uku khumbu yawo, yaki okone: ulelu ayo waketi lʼumamu wa Edome pulu ndu lʼusui wa shenga wa Zina, etali, utsha la diku dia kushi.

² Okone ulelu awo wi lu leke la diku dia kushi waketi la kuma ka shodi yʼUduwa a Leho yeli lu leke la diku dia kushi.

³ Vo wakasimbo utsha la diku dia kushi, wakambela lu Akarabima, waketi la Zina. Ku wakatumbela utsha la diku dia kushi dia Kadeshe-Baranea, waketi uma leko lu Hezerona, wakambela utsha lu Adara. Ku wakatukadimo utsha la Karaka.

⁴ Lʼokongo diku, ulelu ako waketi lu Azemona, wakatukuma pulu ndu lʼokedi wa Edjibitu, edja ndu lʼuduwa. Osoku mbayuyala ulelu anyu lu leke la diku dia kushi.

⁵ Ulelu wa lu leke lʼehutwelu waki lu Uduwa a Leho edja ndu lu kitu ka Jorodana. Ulelu wa lu leke la ngelʼa kushi waketi uma la shodi yʼuduwa yeli lu kitu ka Jorodana.

⁶ Vo wakambela utsha la Bete-Hongela, waketi lu ngelʼa kushi ka Bete-Araba. Ku wakambela edja ndu la dive dia Bohana, onʼa Rubena.

⁷ Ku ulelu ako wakambela utsha la Debire, tshalula uma lʼukidi wa Akora, ku wakelela utsha la ngelʼa kushi, lu leke la Ngilingala kelanedi la edelu ka Adumima, utsha la diku dia kushi diʼokedi. Vo waketi lu ashi wa Ene-Shemeshe, wakasimbo edia ndu la Ena-Rungele.

⁸ Ku ulelu ako wakambela uma leko lʼukidi wa onʼa Hinome lu leke la diku dia kushi la Jebuse (yetawo vati: Jerusalema). Ku vo ndjumbela lʼote wʼukungu welanedi lʼukidi wa Hinome, leke lʼedjelu la la kuma kʼukidi wʼasi Refayima la ngelʼa kushi.

⁹ Uma la diku diʼukungu, ku vo mbeta edja ndu la kyoko yʼAshi a Nefetoa. Ku vo mbelela utsha lʼesumba wa lʼUkungu a Eferona, ku mbeta lu Bala (ketawo vati: Kiriyate-Jerima).

¹⁰ Uma la Bala ku ulelu ako nkadimo utsha lʼedjelu, lʼUkungu a Seire, ku vo ntenanya leke la ngelʼa kushi lʼUkungu a Jerima (wetawo vati: Kesalona). Ku vo mpulo la Bete-Shemeshe, ku mbeta lu Timina.

¹¹ Ku vo mbeta lu leke la ngelʼa kushi la Ekerona, ku vo nsimbo utsha la Shikerona, ku mbeta lʼUkungu a Bala. Ku vo ntukuma pulu la Jabinele, ku ntukume lʼuduwa.

¹² Ashi a Mediteraneya nbaki ulelu awo lu leke lʼedjelu. Oso aki ulelu wa lʼutshimba wa kete yʼasi Juda, uku khumbu yawo.

Kaleba Ambolembia Heberona la Debire

¹³ Jashua akasha Kaleba, onʼa Jefune, etenyi kʼukito lʼatei wʼasi Juda, uku akawudjangela Latuyalaka. Ndi akawusha Kiriyate-Areba, ketawo vati: Heberona. (Areba ako kaki shi Anaka).

¹⁴ Kaleba akatshanya ana apami asatu wa Anaka, Sheshai, Ahimana la Talamai, tukanula tʼAnaka, uraa leko.

¹⁵ Ndi akunela uma leko la ntolo lʼasi Debire, Debire diako mbakawetaka nshi kina vati: Kiriyate-Sefere.

¹⁶ Kaleba akati ati: Dimi layusha one layolo la Kiriyate-Sefere, ndu layukilembia onʼami Akisa wadi.

¹⁷ Otenyele onʼa Kenaze, onangu Kaleba, akakilembia. Ku ndi akawusha onʼandi Akisa wadi.

¹⁸ Lamʼakayi Akisa laka Otenyele, ndi akosengasenga dia ntolomba shi ekambo. Lamʼakahulo Akisa uma lu punda kandi, Kaleba akawumbula ati: Kahumbaye na?

¹⁹ Ku ndi akûkaluya diui ati: Umbisha ushasha omotshi. We akankitsha lu kete ya Nengebe, umbisha ndu teko diʼashi. Ku ndi akawusha teko dia la diku ndu teko dia lʼesi.

Esumba wa Juda

²⁰ Oso kaki kete yʼukito yʼasi Juda uku khumbu yawo.

²¹ Esumba wa la kuma ya kete yʼasi Juda, utsha lʼulelu wa Edome, lu leke la Diku dia kushi waki, Kabizele, Edere, Jangura,

²² Kina, Dimona, Adada,

²³ Kedeshe, Hazora, Itenana,

²⁴ Zifu, Teleme, Bealota,

²⁵ Hazora-Hadata, Keriyote-Hezerona, (ketawo vati: Hazora),

²⁶ Amama, Shema, Molada,

²⁷ Hazara-Ngada, Heshimona, Bete-Pelete,

²⁸ Hazara-Shuala, Bere-Sheba, Biziotiya,

²⁹ Bala, Ime, Azema,

³⁰ Eletolada, Kesile, Horoma,

³¹ Zikilange, Mademana, Sasana,

³² Lebaota, Shilime, Aina, la Rimona. Esumba tshe waki akumi ahendi la divwa, kame la ngelu yawo.

³³ Lʼukidi: Eshitaole, Zora, Ashima,

³⁴ Zanoa, Ene-Nganima, Tapua, Ename,

³⁵ Jaramuta, Adulama, Soko, Azeka,

³⁶ Sharayima, Aditayima, Ngadera, la Ngederotayima: esumba dikumi la enei, kame la ngelu yawo.

³⁷ Zenana, Hadasha, Mingidala-Ngada,

³⁸ Dilana, Miziyse, Jokitele,

³⁹ Lakishi, Bozekate, Engelona,

⁴⁰ Kabona, Lamama, Kitilishi,

⁴¹ Ngederote, Bete-Dagona, Nama, la Makeda: esumba dikumi la esamalu, kame la ngelu yawo.

⁴² Libina, Etere, Ashana,

⁴³ Ifeta, Ashina, Nezibe,

⁴⁴ Keila, Akizibe, la Maresha: esumba divwa, kame la ngelu yawo.

⁴⁵ Ekerona, la esumba waki lʼokongo awo, kame la ngelu yawo.

⁴⁶ Uma lʼEkerona edja ndu lʼAshi a Mediteraneya, esumba ako tshe waki lasuki lʼAshidode, kame la ngelu yawo.

⁴⁷ Ashidode, la esumba waki lʼokongo awo, kame la ngelu yawo; Ngaza, la esumba waki lʼokongo awo, kame la ngelu yawo. Ulelu awo aketi lʼokedi wa Edjibitu, edja ndu lʼAshi a Mediteraneya.

⁴⁸ Lu leke lʼakuna: Shamira, Jatira, Soko,

⁴⁹ Dana, Kiriyate-Sana (ketawo vati: Debire),

⁵⁰ Anaba, Eshitemo, Anima,

⁵¹ Ngoshena, Holona, la Ngilo. Esumba dikumi la otoi, kame la ngelu yawo.

⁵² Araba, Duma, Eshana,

⁵³ Janima, Bete-Tapua, Afeka,

⁵⁴ Humeta, Kiritate-Areba (ketawo vati: Heberona), la Ziore: esumba divwa, kame la ngelu yawo.

⁵⁵ Maona, Karamele, Zifu, Juta,

⁵⁶ Jezerele, Jokidame, Zanoa,

⁵⁷ Kena, Ngibea, la Timina: esumba dikumi, kame la ngelu yawo.

⁵⁸ Halahulu, Bete-Zura, Ngedore,

⁵⁹ Marata, Bete-Anota, la Eletekona: esumba esamalu, kame la ngelu yawo.

⁶⁰ Kiriyate-Bala (ketawo vati: Kiriyate-Jearima), la Raba: esumba ehendi, kame la ngelu yawo.

⁶¹ Lʼusui wa shenga: Bete-Araba, Midina, Sekaka,

⁶² Nibishana, Usumba a Leho, la Ene-Ngedi: esumba esamalu, kame la ngelu yawo.

⁶³ Keli asi Juda kumbeya mbitshanya asi Jebuse wakadjashi la Jerusalema. Okone asi Jebuse wakadjase kame la asi Juda la Jerusalema edja ndu elo.