Isaya 6 - La Bible en Otetela (Bible K'Ekila) 1991

Enelo la Leta la Isaya

¹ Lʼeleku kakavu khumʼekanga Uziya, dimi lakenyi Khumadiondjo udjashi lu kiti ka diulelu ladiku dia loyenga lʼutali, ku soso ya dihondo diandi yakaludia etemwelo.

² Ladiku diandi kakemadi Aserafu. Userafu la Usarafu aki la ahafu asamalu: akakui nbi elundji la ahendi, akakumbi ekulu la ahendi, ku akafumbo la ahendi.

³ Vo wakawelanela, wata vati: Ekila, Ekila, Ekila eli Latuyalaka Kanga lulimbilimbi, kete tshe yambulula la lutumbu landi!

⁴ Atshina wʼasuku wakasukasuka uma lu aui wakawahangohango, la luudu lakakhudungana la dinga.

⁵ Okone dimi lakati nti: Ye! nduku engo kekimi; dimi lambusumbo, ne dia kanga elomo wa mindu kemi, latudjaseka lʼatei akanga wʼelomo wa mindu, ne dia ashu ami wambena Khumʼekanga, Latuyalaka Kanga lulimbilimbi.

⁶ Aserafu omotshi akafumbo uya le mi, ukimedi dikalanga dia dja lu lunya landi, diakandose la lumanu uma lʼediakelu.

⁷ Ndi akamamedio lʼelomo ami, akati ati: Dio diambumamema lʼelomo aye. Uhedia aye ambunyema, la kolo kaye kambudimanyema.

⁸ Ku lakuki diui dia Khumadiondjo ati: Ayumutuma na? Ayututshwela na? Ku dimi lakati nti: Dimʼone, untumi.

⁹ Ku ndi akati ati: Tshoka, tuteli wudja one wati: Mete nyu nyatukaka, keli hanyumani fundu. Mete, nyu nyatenaka, keli hanyulimbitela.

¹⁰ Ununya etema wʼasi wudja one, uwaete atui wulu, udihi ashu awo, Ne dia vo watukena lʼashu awo, watukuka lʼatui awo, Watukumana fundu lʼetema awo, watukukadimo ku vo kono.

¹¹ Ku dimi lakambula nti: Khumemi, edja ndu kaandi? Ku ndi akakaluya diui ati: Edja ndu esumba wambulanyema, wambuyala aha la antu; Edja ndu mvudu yambuyala aha la untu; Edja ndu kete yambuyala shenga tshu;

¹² Edja ndu Latuyalaka ambotola antu etali, ndu ahuli efula wa lu wudja wambuyala shenga.

¹³ Kuyanga eteny, ka dikumi kayutshikala, to kayulanyema lʼetena kawo. Keli, uku atutshikalaka dihikeli diʼetamba a waki wakakotama, Osoku mbayutshikala wuhu wʼekila lu wudja one.