Isaya 15 - La Bible en Otetela (Bible K'Ekila) 1991

Enelo lu Dikambu Dia Moaba

¹ Lʼutshu wame, Ara ka la Moaba ayulanyema, ayuhandjwama. Lʼutshu wame, Kire ka la Moaba ayulanyema, ayuhandjawama.

² Ona umuntu a Dibona ambumbela Utsha lu ahuli wa ladiku dia ntulela. Asi Moaba wambulela wulu ne dia Nebo la Medeba. Ete tshe tohola tutu, ndedu tshe yambunyema.

³ Menda lʼesese, ku antu tshe walotshi akutu atu: Lʼete wa mvudu ndu lʼaseke, Antu tshe tukuku tutu wasekhuma lʼalelu.

⁴ Heshibona la Eleale wambuda tukuku. Tukuku tawo tambukema pulu la Jahaza. Okone alimbi wa la Moaba wambulela wulu, La etema awo wambudidima la woma.

⁵ Utema ami ambulela dikambu dia Moaba, Antu a waki wa loko wambulawo utsha la Zoara, Pulu ndu la Engelate-Shelishiya. Vo wambumbela utsha la Luhita watateli, Ndu watade tukuku ta lunyangu lʼelanyelu Lu mbuka kʼutsha la Horonayima.

⁶ Ashi wa Nimirime wambulanyema Adiyu wambuma tu-tu, ndu shinde yambusima, Nduku etumbatumba kʼomongela kekiko.

⁷ Okone wayotola efula ka diango diakawakundja, Ndu kene kakawumbaka wakakiembe Utsha la wedi wa Kiedi yʼEduwula,

⁸ Ne dia alelu wambukema lu elelu wa Moaba. Tukuku tawo tambukuma la Engalayima; Ndu to tambukuma ndu la Bere-Elime.

⁹ Ashi wa la Dibona wambulula to la dikila, Keli layumutumela Dibona asui Tambwe le asi Moaba wambuhanda, Ndu le atshikadi wa lu wudja.