Hosea 13 - La Bible en Otetela (Bible K'Ekila) 1991

Ambuta Ntufidu Dia Elanyelu ka Efarayima

¹ Lamʼakateketaka Efarayima antu wakadidimaka. Ndi akayaediaka lu Isariyele, Keli lamʼakandayala la unungu lu dikambu dia Bala, ndi akavu.

² Kakiane vo wambotekoya nisha kolo, Wambuyatshela difanelu dia lolelola la fesa yawo, Dikishi diʼuma lu tumba tawo. Dio tshe diaki ulimu wʼetshudi wa tokomba. Vo wakati vati: Nyudilambuli elambu. Antu watonanaka la ditanelu dia ngombe!

³ Diako mbayuwuyala uku dingi dia pindju, Uku lopopo latumoka esadi Uku fufudi yatembaka lopepe uma lu dihuli diʼesuswelu, Uku dinga diatutumbaka uma lu kumbi ka luudu.

⁴ Dimi leko Latuyalaka, Unyashungu anyu, Umaka kete ya Edjibitu. Nduku Unyashungu weyanyu paka dimi; Nduku ushimbedi weko, tshikuna dimi.

⁵ Dimi lakanyeyaka lʼusui wa shenga, Lu kete ahatoloka mvula.

⁶ Keli lamʼakawayutana mbu ya nde, vo wakaluti; Vo wakayala la utaku, wakanseke.

⁷ Okone dimi layuyala le wo uku tambwe, Layahulamela lu mbuka uku koi.

⁸ Dimi layuwanda uku laundu lakawahotodi anʼalo. Dimi layata tulu yawo, Layuwale lu dihuli diako uku tambwe. Dimi layuwatshatsha uku nyama ka ngala ka lʼukunda.

⁹ Isariyele li, dimi layunyulanya. Akona eya nyukimanyia?

¹⁰ Kakiane lenʼeli khumʼekanga kanyu, dia ndi nyushimbela? Lendʼeli ewandji anyu dia nyulama. Wakanyataka nyati: Nyutusha khumʼekanga, la ewandji?

¹¹ Dimi iakanyushaka khumi ya dikanga lu kele kami; Lakawanyaka lʼududu ami.

¹² Uhedia wa Efarayima wambukelekama, Kolo kawo kambumbama lʼeumbelu.

¹³ Lono la umuntu lutsha mbuta, Layuyala lu dikambu diandi. Ndi eko ona lʼenginya, Lahatumbi uma lʼutema a nyangu lʼetena kukukindi mbuto.

¹⁴ Undi, dimi layatshungula, Uma lu wulu wʼudimu a Pengandu? Dimi layashimbela uma le Nyoi? We Nyoi, lendʼeli asui aye? Udimu a Pengandu elanyelu kaye eto? Ketshi kambushama uma lu washu ami.

¹⁵ Kuyanga Efarayima ambuluwana latei wʼanangu, Lopepe lʼuma lʼehutwelu ka unya layuya, Lopepe la Latuyalaka layopepa uma lʼusui wa shenga. Eteko kawo kayuma, la ushima awo wayuma tu Lo layulanya waumbelu wa diango tshe, diʼushinga a wulu.

¹⁶ Samariya wayemba wutahu wa kolo yawo, Ne dia vo wakauombokwela Unyashunpu awo, Wayadiaka la tombo. Wayohotshahotsha anʼawo wʼashashi. Wayatshatsha akundju a wadiewo weli la waemi.