Hosea 10 - La Bible en Otetela (Bible K'Ekila) 1991

¹ Isariyele eli uku okodi wa vinyo Watotokaka elua efula. Uku aki efuia kʼe lua awe, Mbakawafudia diakelu diawo. Uku aki efula kʼongonyi a kete, Mbakawete dimeta amena.

² Etema awo wambuyala lu Keke pendi. Kakiane, vo watsha memba wutshu wʼunungu awo. Latuyalaka utsha mpandjula diakelu diawo, La nanya dimeta diawo.

³ Vo wayuta esadi vati: Shu kema la khumʼekanga, Ne dia shu hatutukaka Latuyalaka woma. Ku khumʼekanga, kakona kukukindi ntutshela?

⁴ Vo watutaka aui wʼanyanya; La atshibelu wa kashi mbatuwudjaka sheki. Sui diayutumba uku atomenaka okodi wa lolengo Lʼatei wʼemunda wa lʼekambo,

⁵ Asi Samariya wambusaka lukumba Lu dikambu dia etanelu ka yana ya Bete-Avena, Ku wudja ayo wayuyala la okei lu dikambu diayo. Elombedi ayo wayusaka lukumba lu dikambu diayo, Ne dia lutumbu layo lambumo.

⁶ Wayuyitola utsha la Asuriya, Dia ntuyisha khumʼekanga ka wuki ushasha. Efarayima ayundama la sonyi, Ndu Isariyele ayuyala la sonyi, Ne dia esangweyu kawo.

⁷ Khumʼekanga ka Samariya ayembama, Uku atembamaka lufulu ladiku diʼashi.

⁸ Alunga wa la Avena, Lene akatshaka Isariyele kolo wayulanyema. Atende la adungu wayutumba ladiku dia diakelu diawo. Vo wayutela ekungu vati: Nyutukumbi, La akuna vati: Nyutukungutweli.

⁹ Isariyele li, umaka nshi ya la Ngibeya, Nyu nyatutshaka kolo! nyatutshikalaka loko. Undi, ta hadiukuma le nyu la Ngibeya?

¹⁰ Dimi layasuya uku ayumulanga. Asi wedja wayusanganyema dia mbalosha, Lamʼayuwusuyama ne dia kolo kawo tena pendi.

¹¹ Efarayima eli uku ngombe ka wadi, Kakawekiya ntsha ulimu, Katongenangenaka dia nsusula epunga. Keli dimi layusukana lasuki la kingu kato ka dimena, Layahe Efarayima lokoho. Juda ayubundula kete; Jakoba ayudiudia kete.

¹² Nyuyauneli ololo, Ku nyu nyayuna elua wa ngandji ka shikaa, Nyukambi dikambo diʼeyuyu. Etena ka nyanga Latuyalaka kambukuka, Edja ndu lamʼayunduya dia ndjunyoloshiya akambu wʼololo.

¹³ Nyu nyakune kolo, nyakani uhedia. Nyu nyakali elua wa kashi, Ne dia nyu nyakekama etsha anyu, La efula kanyu kʼandoshi wa ta,

¹⁴ Okone lufungusu layutumba lʼatei a wudja anyu, Ku ngeli yanyu ya ta tshe yayulanyema, Uku akalanya Shalamana Bete-Arebele lu lushi la ta, Lakawatshatsha umbutshi a umuntu la anʼandi.

¹⁵ Osoku mbayuwunyutshela, nyu khumbu ka Isariyele, Ne dia kolo kanyu ka wuki. Ku khumʼekanga ka Isariyele ayudiakema la hyutshihutshi.