Heberu 7 - La Bible en Otetela (Bible K'Ekila) 1991

Jesu Olombedi a Ladiku Uku Melekizedeke

¹ Nu dia Melekizedeke one, khumʼekanga ka Salema, olombedi a Unyashungu a lʼulungu, akahumana lʼAbarahama lamʼakandayakalulaka uma la ntudiaka khumi ya dikanga, akotshokola.

² Ku Abarahama akakahana la ndi etenyi ka dikumi ka diango tshe. Ekadimwelu ka ntanda ka lukumbu landi, kaki khumʼekanga ka akambu wʼololo, ndu kkumʼekanga ka Salema, kitshimudi ati: Kkamʼekanga ka ki.

³ Ndi aha la shi, aha la nyangu, aha la watshendi, aha lʼetatdlu ka nshi kana ekumela ka lumu, keli wakawete uku Onʼa Unyashungu. Ndi ambatuhikala olombedi pundju.

⁴ Nyukani yimba dia waku waki untu one wuki! Tshesu Abarahama akawusha etenyi ka dikumi ka diango dia dimbu diuleki ololo.

⁵ Mete, tukanula ta Lewi tutu mbatulungulaka ulimu wʼolombedi. Okone vo ndjalaka la olembe wa mbosa tenyi dia dikumi uma le anyawo, uku yediko yʼelembe, keli vame wakuto uma le Abarahama.

⁶ Keli one laki kumbalema uma le wo, akose tenyi dia dikumi uma le Abarahama, akatshokola one laki la alaka.

⁷ Keli hatamanya tamu, one luleki tshitshe akatshokwama uma le luleki wuki.

⁸ Antu watuvokaka, mbatulungulaka tenyi dia dikumi lindu, keli wambututela dia ukina leko, leli la lumu.

⁹ Okone shu mbeyaka mvuta shati: Lewi, katulungulaka tenyi dia dikumi. Ndi ndame atukimoka tenyi dia dikumi uma le Abarahama,

¹⁰ ne dia ndi aki lʼutema a tshendi lamʼakandahumana la Melekizedeke.

Khumadiondjo Akoto lu Dihuli DiʼAsi Lewi

¹¹ Naka elombedi wʼasi Lewi kumbeya mbete antu eluwanyi (ne dia antu wakalungula elembe uma le wo), ukundi akahumbi olombedi ukina ntumba uma lu diuhu dia Melekizedeke, aha uma lu diuhu dia Arona?

¹² Ne dia naka wakakadimulaka elombedi, diaki la wo dia nkadimula ndu elembe.

¹³ Ne dia one latutelawo akambu aso, usi wudja ukina kendi, uma lu wudja ako waha la untu latsha ulimu wʼediakelu.

¹⁴ Dikambu ne diambeyamaka ati: Khumesu akuto uma la Juda. Mose kumvuta nduku diui dikambu dia elombedi uma lu wudjʼa ako.

Kristu Atuyalaka la Lumu ne Dia Nteketela Antu

¹⁵ Akambu ane wambuleka mbeyama, naka olombedi ukina ambutumba lu efanelu ka Melekizedeke,

¹⁶ lakatungama aha uku olembe wʼantu, keli uma lu wulu a lumu lahalana.

¹⁷ Ne dia wambuta dikambu diandi vati: Olombedi a pundju mbeye, Uku Melekizedeke.

¹⁸ Okone wakanya olembe omotshi wa la ntundu, ne dia olembe ako waki wodu,

¹⁹ (ne dia elembe ako kunduwanya nduku dikambu). Okone wambela elungamelu kuleki ololo, kako kambutusukanya le Unyashungu.

²⁰ Vo kuntsha dikambu ne aha la etshibelu.

²¹ Wane wakayalaka elombedi ntundu, wakasaka ulimu awo aha la etshibelu. Keli ndi, wakawete olombedi lʼetshibelu, le one lakati dikambu diandi ati: Khumadiondjo ambutshiba, Ndi hukadimula kanyi yandi; Olombedi mbeye pundju.

²² Okone Jesu ambuyala okole wa sheki yuleki ololo.

²³ Elombedi wa ntundu wakayalaka efula, ne dia nyoi akashimbaka ntetemala lʼulimu ako pundju.

²⁴ Keli ndi atutshikalaka pundju, ulimu andi wʼolombedi hakadimo.

²⁵ Okone ntu, ndi mbeyaka nshimbela wane watusukanaka le Unyashungu tena tshe dia dikambu diandi, ne dia ndi atuyalaka la lumu pundju ne dia mbateketela.

²⁶ Diambutusunganela dia shu ndjala la olomoedi a ladiku wʼekila, waha la lukesu, waha la akambu wa kolo, wutshikitanyi la antu wa kolo, wediami ladiku diʼulungu tshe.

²⁷ Ndi hahumbi nkimo elambu la lushi la lushi, uku elombedi wa ladiku: ntundu ne dia kolo yandi, lʼokongo ne dia kolo ya antu. Ndi akashidiya dikambu diako pundju lʼetena otoi lamʼakandayakimo ndame.

²⁸ Ne dia elembe wambete antu waki weodu elombedi wa ladiku, keli diui diʼetshibelu diakayi lʼokongo wʼelembe, diakashikike Ona, lakaluwanyema pundju pundju.