Heberu 1 - La Bible en Otetela (Bible K'Ekila) 1991

Unyashungu Akati Diui Diandi Dia Ndjihelu lʼUnyo wʼOnʼAndi

¹ Lu nshi yʼedjedja, Unyashungu akatelaka watshesu aui andi lʼenyo wʼamvatshi lu akambu efula la wehu efula wu ditelu.

² Keli lʼekumelu ka nshi yako, ndi akatela diui lʼunyo wʼOnʼandi, lekendesonola ukito a diango tshe, uma le ndi mbakandatungi andja.

³ Ndi eko ngaingai ka lutumbu landi, ndu efanelu kʼutundu andi. Ndi atukimelaka diango tshe ala diui diandi dia wulu. Lemʼakandashidiya mbedia akambu wa kolo, ndi akadjase lu lunya la pami la Khumadiondjo ka lʼulungu;

⁴ akayala uku leli ladiku dia andjelo, ndu lukumbu lakandakundja ndeka kumbu yuwo ololo.

Ona Kuleki Andjelo: Dieli la Antu Dia Ndeka Mbukela

⁵ Ondjelo akona akandatelu ati: We keli Onʼami, Elo kukutshimi? Ndu ati: Dimi layuyala Shi le ndi, Ku ndi ayuyala Ona le mi?

⁶ Ntu, lamʼakandayanngi ntuma onʼandi lʼenundu la kete, ndi akati ati: Andjelo tshe wa Unyashungu wotemole.

⁷ Ndi akati dikambu dia andjelo ati: Ndi utuhiluyaka andjelo andi pepe, Ndu ekambi andi nyumbi ya dja

⁸ Keli ndi mvutaka dia Ona ati: We Unyashungu, kiti kaye ka diulelu keko pundju pundju. Danga dia diulelu diaye dieko danga diʼakambu wʼololo.

⁹ We akalangi ololo, akahetsha kolo. Okone Unyashungu, Unyashungu aye, Akakukiti iso kʼongenongeno wuleki anyaye.

¹⁰ Ntu, We, Khumandiondjo, lakahiki tshina dia kete lʼetutelu, Ulungu eko ulimu wʼanya aye.

¹¹ Diango ne ntayushisho, keli we kayutshikula pundju. Dio tshe diayolombo uku dihondo.

¹² We ayuntomba uku ukutu, La uku dihoado, ku dio niayukantmo. Keli we eko pupu pundju, Deku diaye hadiushila.

¹³ Keli ondjelo akona akannatela etena kemotshi ati: Udjase lu lunya lami la pami, Edju ndu lumʼayumete atunyi aye Kihuna kʼekulu aye?

¹⁴ Vo tshe waha nyumu yatukambaka, yakadautumi dia nkambela wane wayukitu panda ulimu uka?