Ezera 10 - La Bible en Otetela (Bible K'Ekila) 1991

Amantu wʼAsi Wedja la Ana Wambutshanyema

¹ Lamʼakalombaka Ezera ashula kolo, ndi aki lu ndela, akidimo la ntundu ka luudu la Unyashungu. Ku ului a wuki wʼasi Isariyele, apami, amantu lʼana wakamote la le ndi, ku wudja wakaleli wulu.

² Shekaniya, onʼa Jehiyele, uma lʼatei wʼasika Elame, wakatela Ezera vati: Shu takahedia, Unyashungu asu, shu takatshuki amantu wʼasi wedja wa kete nye, keli elungamelu kekiko.

³ Nyeso, tudji la Unyashungu asu sheki kakiane, dia shu minya amantu ako la ana awo uku diui dia khumemi, la dia waku wadidima dikambu diʼolembe wa Unyashungu asu. Dikambu ne diatshami uku olembe.

⁴ Uneli, ne dia dikambu ne, we kendadio. Shu tayuyala kame la ye. Ukikitali, uditshi.

⁵ Ku Ezera akunela, akatshibia ewandji wʼelombedi, asi Lewi la Isariyele tshe dia vo ndjela diui ne, ku vo wakatshibi.

⁶ Ku Ezera akunela uma la ntundu ka luudu la Unyashungu, akatoto lu luudu la Jehohanana, onʼa Eliyashiba. Lamʼakandakumi leko, ndi konde ma, kuyanga no ashi, ne dia ndi akalelaka ne dia kolo ka waku wakayi uma lu lohombo.

⁷ Wakadianganya olembe lu Juda la Jerusalema vati: Antu tshe wakayi uma lu fumbi kawusangani la Jerusalema.

⁸ Kʼuntu tshe lahuya lʼatei a nshi shatu uku aui wʼewandji la dihangamendi, wayosa diango diandi tshe. Ndu ndi ayunyema uma lʼatei wa waku wakayi uma lu fumbi.

⁹ Asi Juda tshe la asi Bendjamina wakasangana kame la Jerusalema lʼatei a nshi shatu ku, lu lushi lʼakumi ahendi la ngondo ka divwa. Ku antu wakadjase lu seke la ntundu ka luudu la Unyashungu wadidima ne dia dikambu ne, ndu uma lu dikambu dia mvula.

¹⁰ Olombedi Ezera akunela, akawatela ati: Nyu nya-katshi kolo, nyakatshuki amantu wʼasi wedja, nyakadji Isariyele lʼunungu a wuki.

¹¹ Kakiane, nyushuli munga kanyu le Latuyalaka, Unyashungu a washenyu, nyutshi lulangu landi! Nyuyatuli uma le wedja wa lu kete nye, ndu uma le amantu wa wedja ako.

¹² Ku ului wʼantu tshe waketawo la diui dia wulu vati: Uku ambuyuta, mbayututsha!

¹³ Keli shu teko antu efula, la mvula ka wuki keko, shu hateyi memala lʼandja. Ulimu one kema wa lushi otoi kana wa nshi hyendi, ne dia shu takatshi kolo ka wuki lu dikambu ne.

¹⁴ Keli ewandji asu watshikali Vote wʼului tshe, ku antu tshe wʼuma lʼesumba asu wakatshuki amantu wʼasi wedja, wayuyakaka lu tena diayuwushikike, vo la dihangamendi la embadi wa lʼusumba lʼusumba, edja ndu kele ka wuki ka Unyashungu asu kambumo uma le su lu dikambu ne.

¹⁵ Paka Jonatana, onʼa Asahele, la Jozeya, onʼa Tikiva, mbakatuni dikambu ne. Meshulama la Shabetai, usi Lewi, mbakawaekama.

¹⁶ Antu waki uma lu fumbi wakatshi osoku. Olombedi Ezera, ete emotshi wa khumbu ya washewo, la waku tshe wakafundama kumbu wakayatula, wakadjase lushi la ntundu la ngondo ka dikumi, dia nkana yimba lu dikambu ne.

¹⁷ Ku vo wakashidiya dikambu diako lʼapami tshe wakatshuki amantu wʼasi wedja lu lushi la ntundu la ngondo ka ntundu.

¹⁸ Lʼatei wʼasika elombedi kakatanema antu ane wakatshuki amantu wʼasi wedja, uma lʼatei wʼasika Jeshua, onʼa Jozadaka la anangu: Maseya, Eliyezere, Jariba, la Ngedaliya.

¹⁹ Vo wakatshiki daka dia nkimo wadiewo, la dia nambula okoko wʼumi ulambu wʼunungu,

²⁰ uma lʼatei wʼasika Imere: Hanani la Zebadiya;

²¹ uma lʼatei wʼasika Harima: Maseya, Elidja, Shemaya, Jehiyele la Uziya;

²² uma lʼatei wʼasika Pashura: Eliyoenai, Maseya, Ishamele, Netanele, Jozabada la Elasa.

²³ Uma lʼatei wʼasi Lewi: Jozabada, Shimei, Kelaya (letawo vati: Kelita), Petahiya, Juda la Eliyezere.

²⁴ Uma lʼatei wʼemimbi: Eliyashiba; uma lʼatei wʼalami wʼasuku: Shaluma, Teleme la Uri.

²⁵ Uma lʼIsariyele, uma lʼatei wʼasika Paroshe: Ramiya, Iziya, Malakidja, Midjamina, Eleazara, Hashabiya la Benaya;

²⁶ uma lʼatei wʼasika Elame: Mataniya, Zekariya, Jehiyele, Abidi, Jeremote la Elidja;

²⁷ uma lʼatei wʼasika Zatu: Eliyoenai, Eliyashiba, Mataniya, Jeremote, Zabada la Aziza;

²⁸ uma lʼatei wʼasika Bebai: Jehohanana, Hananiya, Zabai, la Atalai;

²⁹ uma lʼatei wʼasika Bani: Meshulama, Maluka, Adaya, Jashuba, Sheala la Jeremote;

³⁰ uma lʼatei wʼasika Pahata-Moaba: Adina, Kelala-Benaya, Maseya, Mataniya, Bezalele, Binui, la Manase;

³¹ uma lʼatei wʼasika Harima: Eliyezere, Ishidja, Malakidja, Shemaya, Shimeyona,

³² Bendjamina, Maluka la Shemariya;

³³ uma lʼatei wʼasika Hashuma: Matenai, Matata, Zabada, Elifelete, Jeremai, Manase la Shimei;

³⁴ uma lʼatei wʼasika Bani: Madai. Amurama, Uele,

³⁵ Benaya, Bedeya, Keluhi,

³⁶ Vaniya, Meremote, Eliyashiba,

³⁷ Mataniya, Matenai, Jasu;

³⁸ uma lʼatei wʼasika Binui: Shimei,

³⁹ Shelemiya, Natana, Adaya,

⁴⁰ Makinadebai, Shashai, Sharai,

⁴¹ Azarele, Shelemiya, Shemariya,

⁴² Shaluma, Amariya la Josefu;

⁴³ uma lʼatei wʼasika Nebo: Jeyele, Matitiya, Zabada, Zebina, Jadai, Joele la Banaya.

⁴⁴ Waso tshe mbakatshuki amantu wʼasi wedja, ku amotshi wakuti la wo ana.