Ezekiyele 15 - La Bible en Otetela (Bible K'Ekila) 1991

Jerusalema Aya Uku Okodi wa Vinyo wʼAnyanya

¹ Diui dia Latuyalaka diakayi le mi ati:

² Onʼa untu, kakona keli okodi wa vinyo, kulekiwo etamba ekina tshe, lutahi la vinyo leli lʼatei wʼetamba wa lʼukunda?

³ Undi, antu nkotaka ekodi uku etamba wa ntsha la wo ulimu? Vo ntshakaka la wo tokoho ta mpaneka la wo diango uka?

⁴ Nyulungi, vo watuwukadjaka lu dja, ku dja yatutshumbaka kuma yawo ndu lʼatei awo. Untu mbeyaka ntsha ulimu la ekodi wʼelua uka?

⁵ Nyuki, lamʼaki okodi a vinyo utundu, antu kumbeya ntsha la wo ulimu, keti la-mʼambuwulungula? Ukundi eyawo ntsha la wo ulimu?

⁶ Okone Khumadiondjo Latuyalaka kata ati: Uku akamakimo okodi a vinyo lʼatei wa etamba wa lʼukunda dia ntshumbama lu dja, osoku mbayumukimo asi Jerusalema.

⁷ Dimi layediya elundji kami dia ndo la wo. Vo wayutumba uma lu dja, keli dja yayatshumba. Ku nyu nyayeya nyati: Dimi keli Latuyalaka, lamʼayumediya elundji dia ndo la wo.

⁸ Dimi layulanya kete ne dia vo wakanseke, mbata Khumadiondjo Latuyalaka.