Esta 5 - La Bible en Otetela (Bible K'Ekila) 1991

Esta Ambeta Khumekanga la Hamana lu Dambu

¹ Lu lushi la satu Esta akalote ahondo andi wa lu khumʼekanga, akatemala lu seke dia lʼatei dia luudu la khumʼekanga, lu welelo wa luudu la khumʼekanga. Laso ku khum ekanga udjashi lu kiti kandi ka diulelu, lu luudu la khumʼekanga, lu welelo wa eotwelo ka luudu.

² Lamʼakenyi khumʼekanga khumʼekanga ka umuntu Esta emadi lu suku, Esta akahumo lukulu lʼolo lu ashu andi. Khumʼekang … akatshumi danga dia paunyi diakandakimedi lu lunya, ku Esta akasukana, akakimela kuma ka danga.

³ Khumʼekanga akawumbula ati: Khumʼekanga ka umuntu Esta, kambutumba na? kalangaye na? Kuyanga etenyi ka hendi ka diulelu, dimi layukushato.

⁴ Esta akûkaluya diui ati: Naka we nangaka, we knumʼekanga, kuyi elo we la Hamana lu dambu, diamumolongoswela.

⁵ Khumʼekanga akati ati: Nyutuyangi Hamana esadi, dia shu ntsha uku wata Esta. Khumʼekanga la Hamana wakatshu la dambu diakalongosola Esta.

⁶ Lamʼakawanokaka wanu, khumʼekanga akambula Esta ati: Na elombelo kaye? Dimi layukushato. Kuyanga etenyi otoi ka hendi ka diulelu, we ayukilungula.

⁷ Esta akûkaluya diui ati: Dikambu ne mbalangami, ndu mbalombami nti:

⁸ Naka lambuhumo lukulu lʼolo lu ashu aye, we khumʼekanga, ndu naka we nangaka ngenyangenyami la mbishami kene kakolombami, kuyi ntu lui, we la Hamana, lu dambu diayumunyolongoswela. Ku lʼetena keso, dimi layukukaluya we khumʼekanga diui, uku akaya-mumbudi.

⁹ Hamana akatumbi lushi lako lʼongenongeno la utema too la diandu. Keli lamʼakandenyi Morodekai la suku dia khumʼekanga, ndi kumemala kuyanga nsukasuka la ntundu kandi, ku ndi akawuki kele.

¹⁰ Keli Hamana akayakimela, akatshu lakandi; akatumi antu la iteta engenyi andi la wadendi Zereshe.

¹¹ Hamana akasanyia wuki wʼongonyi andi, efula ka anʼandi, la akambu tshe wakutshela khumʼekanga dia mbete wuki, ndu uku akandawumbiya ladiku di ewandji la ekambi wa khumʼekanga.

¹² Hamana akati ntu ati: Dimi dime kaketawi khumʼekanga ka umuntu Esta ntsho kame la khumʼekanga lu dambu, diakandatshi. Ndi ayumbeta ntu ndu lui dia dimi ntsho kame la khumʼekanga lakandi.

¹³ Keli akambu aso tshe hawuyala waho le mi lamʼatumenaka usi Juda oso, Morodekai, udjashi la suku dia khumʼekanga.

¹⁴ Ku wadendi Zereshe la engenyi andi tshe wakawutela vati: Walongosole utamba wʼutali wa kubita akumi atanu. Lui la pindju, kutolombe khumʼekanga dia vo mpane Morodekai loko, lʼokongo diku we ayutsho lʼongenongeno, we la khumʼekanga, utsha lu dambu. Aui aso wakangenyangenya Hamana. Ndi akatumi antu dia vo nongosola utamba.