Esta 10 - La Bible en Otetela (Bible K'Ekila) 1991

Wuki wa Morodekai

¹ Khumʼekanga Ahasuero akafutsha asi wudja la wane wakadjashi lu asenga wa lʼatei wʼashi a waki elambu.

² Etsha wa luwandji la wulu wa Morodekai, ndu wa nemo diandi dia mamba diakawusha khumʼekanga, hawufundami lu Buku diʼEkondo wa khumi ya dikanga ya Mediya la Peresiya?

³ Morodekai, usi Juda, aki divwa dia khumʼekanga; ndi aki la lukumu la wuki lʼatei asi Juda, ndu akalangema kame la ului a wuki wʼasikandi. Ndi akayangelaka wudja andi lukulu lʼolo; akateketaka aui wa ki le asi wudja andi tshe.