Esambu 98 - La Bible en Otetela (Bible K'Ekila) 1991

Diandu le Unyashungu ne Dia Ololo Andi

¹ Nyimbeli Latuyalaka usambu wʼuyuyu, Ne dia ndi akatshi akambu wa mamba! Etambi kandi ka lunya la pami la lunya landi lʼekila wakukundjiya elembielo.

² Latuyalaka akenya antu elembielo kandi, Akakenenadia ololo andi hwe la ntundu ka wedja.

³ Ndi akuho ngandji kandi ka shikaa la kolamelu yandi le khumbu ka Isariyele, Kuma tshe ya kete yakenyi elembielo ka Unyashungu asu.

⁴ Nyudjeli Latuyalaka dielu diʼongenongeno, Nyu wa la kete tshe! Nyeso nyimbi lʼongenongeno, nyimbi esambu wa diandu!

⁵ Nyimbeli Latuyalaka esambu wa diandu la losese, Nyuhelinganya dihumahuma la lundju lʼololo!

⁶ Nyudi pungi la amama, Nyudji dielu diʼongenongeno la ntundu ka Khumʼekanga, Latuyalaka!

⁷ Ashi a waki wadikitaki kame la diango tshe dieli loko. Ndu andja tshe la wane watudjaseka loko wangenengene.

⁸ Dula diʼashi diahumi saka, Akuna wadji dielu diʼongenongeno kame

⁹ La ntundu ka Latuyalaka! Ne dia ndi uyayi dia ndjulumbuya kete. Ndi ayulumbuya andja la sambu kʼololo, Ndu antu aha la shonodi.