Esambu 95 - La Bible en Otetela (Bible K'Ekila) 1991

Usambu a Diandu la Otemwelo

¹ Nyuyi, tuyimbeli Latuyalaka esambu lʼongenongeno! Tudjeli dive dia panda kasu dielu diʼongenongeno!

² Tutshu la ntundu kandi, tutuwuki lusaka, Tuwimbeli esambu wa diandu lʼongenongeno!

³ Ne dia Latuyalaka keli Unyashungu a wuki, Ndi keli Khumʼekanga ka wuki ladiku dia ditemolatemola tshe.

⁴ Ndi atukimelaka ehongo wa la kete lu lunya landi, Ndu ete wʼekungu weli wandi.

⁵ Ndi kukanga ashi a waki, ndi kukatungi; Ndu kete, anya andi mbakayitungi.

⁶ Nyeso totemole, tokolami, Tukhuse adui la ntundu ka Latuyalaka Utungi asu.

⁷ Ndi keli Unyashungu asu; Shu teli antu wa lʼekambo kandi, La ekoko watundolombolaka la lunya landi. Nyulungi diui diandi elo!

⁸ Tanyukikitshaki etema anyu, uku akanyatshi la Meriba, Uku akanyatshi lushi luku la Masa, lʼusui wa shenga.

⁹ Leko, washenyu wakampimbi, Wakambedika, kuyanga vo wakenaka elimu ami.

¹⁰ Lolonga lako wakampenyahenya deku akami anei, Ku lakati nti: Etema wʼantu ane wambunganela; Hawulimbitela mbuka yami.

¹¹ Diako mbakamatshibi la kele nti: Vo hawoto lu mumuya kami.