Esambu 93 - La Bible en Otetela (Bible K'Ekila) 1991Wukiwuki wa Latuyalaka 1 Latuyalaka atulelaka. Ndi katuyalotshaka la lutumbu. Latuyalaka atuyalotshaka la wulu. Ndi katuyakikitshaka dikawa, Ku andja tshe watushikikalaka, Hawusutshasutshama. 2 Kiti kaye kakashikikalaka umaka nshi yʼedjedja. We atuyalaka umaka mombokombola. 3 We Latuyalaka, dula diʼashi diakafulanela. Dula diakaheli la lundju la wulu, Dio diakatamanya ndjikita uma lʼasukhu. 4 Keli Latuyalaka lʼudjashi lʼulungu, eli la wulu, Ndeka luhelu lʼashi, Kana dikita diʼasukhu wʼashi a waki. 5 Elembe aye weli shikaa. Ekila katusunganaka lu luudu laye Pundju, we Latuyalaka. |
La Bible en Otetela © Allianee Biblique de la Republique Democratique du Congo, 1991
Bible Society of the Democratic Republic of Congo