Biblia Todo Logo
Bìoball air-loidhne

- Sanasan -

Esambu 88 - La Bible en Otetela (Bible K'Ekila) 1991


Dombelo Dia Panda Nyoi

1 We Latuyalaka, Unyashungu a panda kami, Dimi latukulelelaka ndu la yanyi ndu lʼutshu.

2 Etawo dombelo diami nkuma le ye! Uhuke tui lʼosengosengo ami,

3 Ne dia utema ami wambohenyahenyama efula, La lumu lami lambelela utsha lu Difuku.

4 Dimi lambalema lʼonongo wʼedu, Lambuyala uku untu laha la wulu.

5 Dimi lambukalema lʼatei wʼedu, Uku waku wakadiakema wetami lu waumbu, Uku wane wahayayuho, Uku waku wakamo uma lu lunya laye.

6 We akambikadja lu difuku diʼutali, Lʼohongo, lʼudjima a tshududu.

7 Kele kaye aya wutshu a wulu le mi, We ambunsuya la asukhu aye tshe.

8 We akamanganyia engenyi ami etali, Akambete engo ka dionyo le wo. Ndu lambudihama, ku haleyi ntumba.

9 Ashu ami wambule lʼokei. Dimi latukolombaka nshi tshe, we Latuyalaka! Latusimbulaka anya ami le ye.

10 We ayutshela edu akambu wa mamba? Wane wakavu, wayulo, wayukandula uka?

11 Wayoteketa dia ngandji kaye ka shikaa lu waumbu, Kana dia kolamelu yaye lʼudimu a pengandu?

12 Akambu aye wa mamba wayeyama lu udjima, La sambu kaye kʼololo lu wudja wambuhamela?

13 We Latuyalaka, le ye katumulelaka, Dombelo diami diatumbelaka le ye la pindju.

14 Latuyalaka, dikambu kuna diatuyusukulaka utema ami? Bundi, katuyumbishelaka elundji?

15 Dimi latusuyamaka, latuyalaka lasuki la nyoi umaka nshi yami ya dikenda, Dimi latokomoka lamʼatumusuyamaka la woma aye.

16 Ududu wa kele kaye watetaka ladiku diami, Woma aye wambumbitshanya.

17 Woma watunyingaka nshi tshe uku ashi, Vo tshe watunyingaka kame.

18 We akamanganyia umbekesanedi la ongenyi. Wane wukami ngandji wakashisho.

La Bible en Otetela © Allianee Biblique de la Republique Democratique du Congo, 1991 

Bible Society of the Democratic Republic of Congo
Lean sinn:



Sanasan