Esambu 81 - La Bible en Otetela (Bible K'Ekila) 1991

Ololo wa Unyashungu la Luhukutui lʼIsariyele

¹ Nyimbeli Unyashungu, wulu asu, esambu lʼongenongeno. Nyudjeli Unyashungu a Jakoba dielu diʼongenongeno.

² Nyutateli usambu Nyuhumi lohenga, Losese la dikembi.

³ Kanyudaki pungi lushi lʼalelu ka ngondo, Ndu lamʼayuyalaka ngondo emuma, lu lushi lasu la wuki,

⁴ Ne dia oso keli olembe le Isariyele, Ndu didjangu dia Unyashungu le Jakoba.

⁵ Ndi akadjangela Josefu dikambu ne uku olembe, Lamʼakandetetaka lu kete ya Edjibitu. Dimi lakuki oteketa wakimi kumana fundu ati:

⁶ Lakanya wutshu uma lu diheka diandi, Ndu saka uma lʼanya andi.

⁷ We akanombe lamʼakiye la asui, ku lakakuntshungula; Uma lu dihuli dia usheshe dia dikhungula, mbakamakûkaluya diui. Dimi lakedika mbetawo kaye lu ashi wa Meriba.

⁸ Nyu wudja ami, nyulungi, keli nyuteli dikambu. Nyu Isariyele, utunduyala nyambumbukela,

⁹ Tshiki nduku etemolatemola keli lʼatei anyu, Tshiki hanyukhusamela ditemolatemola diʼasi wedja.

¹⁰ Dimi keli Latuyalaka, Unyashungu aye, lakakutundja uma lu kete ya Edjibitu. Ase unyo aye wulu, ku layuludia.

¹¹ Keli wudja ami kumbukelami, Isariyele kunkitanyia aui ami.

¹² Okone mbakamakimo lu saki yʼetema awo, Dia vo ndjela tukanyi tawo hita.

¹³ Utumbukela wudja ami, Utokendakenda Isariyele lu mbuka yami,

¹⁴ Tshiki dimi lutolembia atunyi awo esadi, Lututshanya atunyi awo la lunya lami.

¹⁵ Atunyi wa Latuyalaka wutuyakitshakitsha vame la ntundu kandi; Isariyele wutena olo pundju.

¹⁶ Dimi lutuwalesha mbu ya nde yulek i ololo, Lutuwalutsha lʼusanga.